ដែលអាចចាប់ក្លិនបាននៅក្នុងរន្ធច្រមុះនីមួយៗមានផ្ទៃក្រឡាប៉ុន្មាន?
◈ នៅក្នុងសំបកខួរក្បាល មជ្ឈមណ្ឌលឃានវិញ្ញាណនៅត្រង់កំពកសៀតផ្កា។ តំបន់ដែលអាចចាប់ក្លិនបាននៅក្នុងរន្ធច្រមុះនីមួយៗ មានផ្ទៃក្រឡាប្រហែល 10cm2។

តើប្រព័ន្ធផ្លូវទឹកណាមានសារៈសំខាន់សេដ្ឋកិច្ចខ្លាំងជាងបណ្តាប្រព័ន្ធទន្លេមេគង្គ និង ប្រព័ន្ធទឹកតាមឈូងសមុទ្រ ព្រោះអ្វី?
◈ ប្រព័ន្ធផ្លូវទឹកដែលមានសារៈសំខាន់សេដ្ឋកិច្ចខ្លាំងជាងគេ គឺ ប្រព័ន្ធទន្លេមេគង្គ ព្រោះវាអាចធ្វើនាវាចរណ៏បាន ផ្តល់ថាមពលអគ្គិសនី ដីល្បាប់ និង ត្រី...។

ក្នុងពិធីអាពាហ៍ពិពាហ៍ ជាទំលាប់មានផ្កាស្លាបី។ តើផ្កាស្លាទាំងបីនេះតំណាងឱ្យអ្វីខ្លះ?
· ផ្កាស្លាទី ១ មានផ្កាស្លា ២១ ទង រុំស្រោបម្លូ ២១ សន្លឹក ជាផ្កាស្លាច្បង ជានិមិត្តរូបគុណទាំង ២១ របស់ឪពុក។
· ផ្កាស្លាទី ២ មានផ្កាស្លា ១២ ទងរុំស្រោបម្លូ ១២ សន្លឹក ជាផ្កាស្លាកណ្តាល ជានិមិត្តរូបគុណទាំង ១២ របស់ម្តាយ។
· ផ្កាស្លាទី ៣ មានផ្កាស្លា ៦ ទងរុំស្រោបម្លូ ៦ សន្លឹក ជាផ្កាស្លាពៅ ជានិមិត្តរូបគុណ ទាំង ៦ របស់បង។

ដូចម្តេចហៅថាកំណត់បង្ហាញរឿង?
◈ កំណត់បង្ហាញរឿង គឺជាឯកសាររដ្ឋបាល​ដែលគេធ្វើឡើង សម្រាប់ជួយឲ្យថ្នាក់ដឹកនាំជ្រាបបានច្បាស់លាស់ នូវខ្លឹមសារនៃកិច្ចការអ្វីមួយ ដែលជាសំណើ ឬ ជាការជូនព័ត៌មាន ចំពោះលិខិតស្នាមនានា។

តើប្រាក់ចំណូលដែលមិនជាប់ពន្ធមានអ្វីខ្លះ?
◈ ប្រាក់ចំណូលដែលមិនជាប់ពន្ធ មានដូចជា៖
ក. ប្រាក់ចំណូលរបស់រាជរដ្ឋាភិបាល ឬ ប្រាក់ចំណូល ស្ថាប័នរាជរដ្ឋាភិបាល។
ខ. ប្រាក់ចំណូលរបស់អង្គការណាមួយដែល៖
     - ត្រូវបានរៀបចំឡើង និង ដំណើរការសម្រាប់គោលដៅសុទ្ធសាធខាងសាសនា សប្បុរសធម៌ វិទ្យាសាស្រ្ត អក្សរសាស្ត្រ ឬ អប់រំ។
     - គ្មានចំណែកណាមួយនៃទ្រព្យ ឬ ប្រាក់ចំណូលត្រូវបានប្រើប្រាស់ ជាផលប្រយោជន៍ឯកជន។
គ. ប្រាក់ចំណូលរបស់អង្គការពលករ ឬ សភាពាណិជ្ជកម្ម ឧស្សាហកម្ម ឬ កសិកម្ម ក្នុងករណីដែលប្រាក់ចំណូលរបស់អង្គការទាំងនោះ មិនត្រូវបានប្រើប្រាស់ ជាផលប្រយោជន៍ឯកជនរបស់អ្នកចូលហ៊ុន ឬ រូបវន្តបុគ្គល។
ឃ. ប្រាក់ចំណេញដែលបានមកពីការលក់ផលិតផលកសិកម្ម ដែលបុគ្គលមិនមែនជាអ្នកជាប់ពន្ធ តាមរបបពិតផលិតបានដោយខ្លួនឯង ទោះបីផលិតផលនោះមិនទាន់កែច្នៃ ឬ កែច្នៃហើយក៏ដោយទៅតាមទំលាប់នៃការងារកសិកម្ម។ ប្រតិបត្តិការតាមមធ្យោបាយឧស្សាហកម្ម រួមទាំងការកែច្នៃការរក្សាគុណភាព ការវេចខ្ចប់សំរាប់លក់ ពុំត្រូវបានចាត់ទុកជាទំលាប់នៃការងារកសិកម្មឡើយ។

តើយុទ្ធសាស្រ្តទីផ្សារផ្តោតលើចំណុចអ្វីខ្លះ?
○ យុទ្ធសាស្រ្តទីផ្សារផ្តោតលើចំណុច ដូចជា​៖
ក. បង្កើនល្បឿននៃការលក់
· ទន្រ្ទានចូលជ្រៅទៅក្នុងទីផ្សារបច្ចុប្បន្ន ជាមួយនឹងផលិតផលដែលមានស្រាប់
· ឧទ្ទេសនាមផលិតផលថ្មី ទៅក្នុងទីផ្សារដែលមានស្រាប់
· ឈានចូលទីផ្សារជាមួយនឹងផលិតផល ដែលមានស្រាប់
· ឧទ្ទេសនាមផលិតផលថ្មី ទៅក្នុងទីផ្សារថ្មី
ខ. ជំរុញបង្កើនប្រាក់ចំណេញ
· កាត់បន្ថយការចំណាយ
· បង្កើនផលិតភាពផលិតកម្ម
· បង្កើនទិន្នផល៖ បង្កើនថ្លៃ និង បង្កើនការលក់ផលិតផលចំរុះ
គ. ជ្រើសរើសចំណែកទីផ្សារ
ឃ. យុទ្ធសាស្រ្តនៃការដាក់លក់ផលិតផល

តើតុលាការខ្មែរក្រហម មានតួនាទី និងទិសដៅដូចម្តេច?
○ តុលាការខ្មែរក្រហម មានតួនាទី និង ទិសដៅ ដូចជា៖
· រកយុត្តិធម៌ឱ្យជនរងគ្រោះ
· ផ្សះផ្សាជាតិ និង ទប់ស្កាត់របបខ្មែរក្រហម

ចូរនិយាយពីស្ថានភាពរបស់កុមារក្នុងពិភពលោកបច្ចុប្បន្ន?
○ ស្ថានភាពរបស់កុមាររាប់រយនាក់ នៅក្នុងពិភពលោក៖
· ត្រូវគ្រួសារបោះបង់ចោល
· កុមារខ្លះធ្វើការធ្ងន់
· កុមារក្លាយជាក្មេងប្រព្រឹត្តបទល្មើស
· កុមារចូលធ្វើទ័ព
· កុមារដើសុំទានគេ អនាថា
· កុមាធ្វើការប្រកបដោយគ្រោះថ្នាក់
· កុមារខ្លះមិនបានចូលរៀន។
✨ប្រទេសកម្ពុជាបានផ្តល់សច្ចាប័ន នៅក្នុងអនុសញ្ញា ស្តីពីសិទ្ធិកុមារ នៅថ្ងៃទី ១៥ ខែ តុលា ឆ្នាំ ១៩៩២។

តើគោលនយោបាយ “ភូមិ ឃុំ មានសុវត្ថិភាព” ត្រូវបានអនុម័តនៅឆ្នាំណា? ​តាមស្មារតីនៃគោលនយោបាយនេះ “ភូមិ ឃុំ​មានសុវត្តិភាព” ត្រូវមានលក្ខណៈសម្បត្តិអ្វីខ្លះ?
○ គោលនយោបាយ “ភូមិ ឃុំ មានសុវត្ថិភាព” ត្រូវបានអនុម័តនៅឆ្នាំ ២០១០។ តាមស្មារតីនៃគោលនយោបាយនេះ “ភូមិ ឃុំ​មានសុវត្តិភាព” ត្រូវមានលក្ខណៈសម្បត្តិ ដូចខាងក្រោម៖
· គ្មានចោរកម្ម
· គ្មានគ្រឿងញៀន
· គ្មានហីង្សា ជួញការដូរ​ផ្លូវ​ភេទ​ និង ស្រ្ដី
· គ្មានក្មេងទំនើង
· គ្មានល្បែងស៊ីសងគ្រប់ប្រភេទ

ពាក្យ បណ្តៅខ្មែរ

បេីសេាយត្រីព្រូល កុំចេាលស្រកា
បេីសេាយត្រីប្រា កុំចេាលស្រកី
បេីស្លរម្ចូរត្រីសណ្តាយ កុំភ្លេចដាក់ម្ជូរសណ្តាន់
តេីពាក្យនេះមានន័យដូចម្តេច ? ចូលរួមឆ្លេីយទងអស់គ្នាដេីម្បីជា ចំណេះដឹង 😊

តើសុជីវធម៌តម្រូវឱ្យមនុស្សម្នាក់ៗចេះធ្វើអ្វីខ្លះ?
○ សុជីវធម៌តម្រូវឱ្យមនុស្សម្នាក់ៗចេះ៖
· រៀបចំខ្លួនកុំឱ្យឆ្គាំឆ្គងក្នុងឥរិយាបថណាមួយ ដូចជា ការនិយាយ ដេក ដើរ ឈរ អង្គុយ
· រៀបចំចរិយា ឬកពារឱ្យសមទីកន្លែង និង កាលៈទេសៈ
· រៀបចំកាយវិការក្នុងពេលសន្ទនាជាមួយអ្នកដទៃ ឬ ក្នុងពេលទទួលទានអាហារ
· ប្រើសម្លៀកបំពាក់សមរម្យទៅតាមពេលវេលា
· របៀបនិយាយ សរសេរឱ្យបានត្រឹមត្រូវតាមក្បួនខ្នាត
· ទទួលភ្ញៀវដោយរាក់ទាក់
· គោរពសិទ្ធិ ទ្រព្យសម្បត្តិ សេចក្តីទុក្ខសោករបស់អ្នកដទៃ។ល។

តើក្រុមប្រឹក្សាធម្មនុញ្ញជាអ្វី? មានភារកិច្ចអ្វីខ្លះ?
○ ក្រុមប្រឹក្សាធម្មនុញ្ញ ជា អង្គការត្រួតពិនិត្យធម្មនុញ្ញភាពនៃច្បាប់ និង ដោះស្រាយវិវាទការបោះឆ្នោតអាចហៅថាជា “តុលាការធម្មនុញ្ញ”។ មានភារកិច្ចធានាការពារការគោរពរដ្ឋធម្មនុញ្ញ បកស្រាយរដ្ឋធម្មនុញ្ញ និង ច្បាប់ដែលរដ្ឋសភាបានអនុម័ត និង ព្រឹទ្ធសភាបានពិនិត្យចប់រួចហើយ ពិនិត្យ និង សំរេចអំពីករណីវិវាទកម្មទាក់ទងការបោះឆ្នោតជ្រើសតាំងតំណាងរាស្ត្រ និង ជ្រើសតាំងសមាជិកព្រឹទ្ធសភា។

តើរបាយកំណប់រ៉ែនៅលើផែនដីស្មើរគ្នាឬទេ? ព្រោះអ្វី?
○ របាយកំណប់រ៉ែនៅផែនដីពុំស្មើរគ្នាទេ ព្រោះគេសង្គេតឃើញប្រទេសខ្លះសម្បូរកំណប់រ៉ែ ហើយប្រទេសខ្លះទៀត ពុំសូវមានកំណប់រ៉ែទាល់តែសោះ។

ដូចម្តេចហៅថារបបស្វ័យប្រកាស (របបពិត)?
○ អ្នកជាប់ពន្ធតាមរបបស្វ័យប្រកាស គឺជា នីតិបុគ្គលទាំងឡាយ ដែលបានចុះបញ្ជីពាណិជ្ជកម្មនៅកម្ពុជា និង បុគ្គលទាំងឡាយ ដែលប្រកបធុរៈកិច្ច មានផលរបរប្រចាំឆ្នាំ៖
· ចាប់ពី ៥០០ លានរៀល ឡើងទៅ សម្រាប់ការផ្គត់ផ្គង់ទំនិញ
· ចាប់ពី ២៥០ លានរៀល ឡើងទៅ សម្រាប់ការផ្គត់ផ្គង់សេវា
· ចាប់ពី ១២៥ លានរៀល ឡើងទៅ សម្រាប់ការធ្វើកិច្ចសន្យាជាមួយរដ្ឋ
🔆 អ្នកជាប់ពន្ធតាមរបបស្វ័យប្រកាសមានកាតព្វកិច្ចដាក់ប្រកាស និង បង់ពន្ធដោយខ្លួនឯង។ ក្នុងកំឡុងពេលពេលមួយមានកំណត់ អ្នកជាប់ពន្ធតាមរបបស្វ័យប្រកាសនឹងត្រូវទទួលការធ្វើសនវកម្មពន្ធដារ ដើម្បីធានាភាពត្រឹមត្រូវនៃការប្រកាសរបស់ខ្លួន។

ដូចម្តេចដែឡហៅថា ពិចារណាតាមទស្សនវិជ្ជា?
○ ដែលហៅថាពិចារណាតាមទស្សនវិជ្ជា គឺ៖
• ពិចារណាតាមបែបទស្សនវិជ្ជា គឺជា ការពិចារណាមួយ ដែលទាមទារនូវអំណត់ខន្តីជំនះគ្រប់តណ្ហា គ្រប់ឧបសគ្គ និង ការលំបាកដែលផ្តើមចេញពីចំងល់ទៅសង្ស័យ ដើម្បីឈានទៅដល់ការពិចារណា។
• តាមសូក្រាត ពិចារណាតាមបែបទស្សនវិជ្ជា គឺ ហាត់ស្លាប់ មានន័យថាសូក្រាត ពិចារណាលើន័យជីវីតរបស់ខ្លួនផ្ទាល់សិន រួចហើយទើបពិចារណាដល់បញ្ហាអ្នកដទៃ។
• តាមកង់ ពិចារណាតាមបែបទស្សនវិជ្ជា គឺ ពិចារណាលើបញ្ហាធំៗ បី៖ តើយើងអាចស្គាល់អ្វីខ្លះ? តើយើងត្រូវធ្វើអ្វីខ្លះ? តើយើងអាចសង្ឃឹមលើអ្វីខ្លះ?

តើមានមតិប្លែកគ្នាដូចម្តេចខ្លះ ស្តីពីប្រភពតំលៃ?
○ ខ្លះយល់ថា ចំណ​ង់ជាប្រភពនៃតំលៃ ព្រោះគេយល់ថាតំលៃគឺជាទំនាក់ទំនងរវាងវត្ថុមួយ និង ប្រធានម្នាក់។​ តំលៃកើតឡើង ពីកំរិតនៃការចង់បានរបស់មនុស្សទៅលើវត្ថុ។ បើកំរិតនៃការចង់បាន មានកំពស់ត្រឹមណា តំលៃនៃវត្ថុនោះក៏មានកំពស់ត្រឹមនោះដែរ។
• មតិខ្លះទៀតយល់ថា គឺជា សញ្ចេតនាទេ ដែលជាប្រភពនៃតំលៃឡ ព្រោះតំលៃទាំងឡាយយ មានលក្ខណៈជាវេទនារម្មណ៍។
• មតិខ្លះទៀតយល់ថា​ ប្រភពនៃតំលៃគឺសភាវគតិ។ គំនិតនេះ គឺ ចង់បង្ហាញពីជីវតំលៃ ដូចជា ជីវតំលៃក្នុងការរក្សាជីវីតអោយគង់វង្ស​ ជិវិតតំលៃក្នុងការបរិភោគ ជីវតំលៃក្នុងការធ្វើជំរក ជីវិតតំលៃក្នុងការបន្តពូជ។ ន័យនេះតំលៃ គឺជា ការណ៍មួយយ៉ាងសាមញ្ញបំផុតរបស់ជីវិតមនុស្ស ជា ធម្មជាតិរបស់មនុស្សតែម្តង ព្រោះវាជាតថភាពអន្តោវត្តមាន ដែលមាននៅក្នុងគ្រប់អំពើរបស់មនុស្ស។

ចូរនិយាយពីររបៀបចារអក្សលើស្លឹករឹត។
○ ការចារអក្សរលើស្លឹករឹត៖ គេត្រូវយកស្លឹករឹតមួយសន្លឹកម្តងទៅដាក់លើឈើទ្រនាប់ រួចបញ្ជូលទៅក្នុងស្នាប់ដៃ។ គេយកស្លឹករឹតដែលភ្ជាប់នឹងស្នាប់ដៃ ទៅដាក់លើបាតដៃខាងឆ្វេង ដែលគងលើជង្គង់បញ្ឃរ រួចកាន់ដែកចារនៅដៃខាងស្តាំ ដាក់សង្កត់លើដៃខាងឆ្វេង ទើបចាប់ផ្តើមចារ។

តើប្រាសាទសំបូរព្រៃគុកកសាងក្នុងរជ្ជកាលស្តេចអង្គណា? នៅសតវត្សទីប៉ុន្មាន?
○ ប្រាសាទសំបូរព្រៃគុក កសាងឡើងក្នុងរជ្ជកាលស្តេច ឦសានវរ្ម័ន ទី ១។ នៅក្នុងសតវត្សទី ៧ (គ.ស ៦១៦-៦៣៥) នាសម័យចេនឡា។

តើ UNEP ទទួលថវិកាបានមកពីណាខ្លះ?
○ ថវិកាធម្មតារបស់អង្គការសហប្រជាជាតិ ៧% ត្រូវចំណាយទៅលើ UNEP ផ្នែកផ្សេងៗទៀត គឺ បានមកពីវិភាគទានស្ម័គ្រចិត្តរបស់រដ្ឋា​ភិបាល ផ្តល់ទៅឲ្យមូលនិធិបរិស្ថានដែលមានចំនួន ៦៥ លានដុល្លារ (ក្នុងឆ្នាំ ១៩៩៤)។

តើអាំងភ្លុចប្រសាទកើតមាននៅកន្លែងណា?
○ អាំងភ្លុចប្រសាទ កើតមាននៅពេលពន្លកជីវ្ហាវិញ្ញាណត្រូវបានភ្ញោច កោសិកាវិញ្ញាណរសជាតិ បង្កើតអាំងភ្លុចប្រសាទដែលត្រូវបានបញ្ចូនទៅកាន់ខួរក្បាល ត្រង់កំពកសៀតផ្កា តាមសរសៃប្រសាទវិញ្ញាណនាំ។ បន្ទាប់មក សំបកខួរ បកប្រែអាំងភ្លុចនេះ អោយទៅជារសជាតិ។

តើទន្លេនៃប្រព័ន្ធនីមួយៗមានលក្ខណៈរូបដូចគ្នាដែរឬទេ?
○ ទន្លេនៃប្រព័ន្ធនីមួយៗ មានលក្ខណៈរូបមិនដូចគ្នាទេ ដូចជា ទទឹង បណ្តាយ ខុសគ្នា។

តើបុណ្យភ្ជុំបិណ្ឌ គេប្រារព្ធធ្វើនៅខែណាមានអត្ថន័យដូចម្តេច?
○ បុណ្យភ្ជុំបិណ្ឌ គេប្រារព្ធធ្វើចំនួន ១៥ ថ្ងៃ គឺ ចាប់ពីថ្ងៃ ១រោជដល់ ១៥រោជ ភទ្របទ រៀងរាល់ឆ្នាំ ។ ពិធីបុណ្យនេះ មានអត្ថន័យដូចជា៖ ប្រជាជនខ្មែរប្រារព្ធធ្វើសព្វថ្ងៃនេះ ដើម្បីឧទ្ទិសផលដល់ជនជាតិខ្មែរ ឬ បុព្វការីជន ដែលបានភ្លាត់ទៅកើតជា សត្វនរក ប្រេត ហើយសត្វនរកប្រេតទាំងអស់នេះ សោយតែទុកគ្មានអ្វីស៊ីទេ ស៊ីតែខ្ទុះឈាម។ គេនិយមរើសចំថ្ងៃ រនោច ខែ ភទ្របទ ព្រោះពេលវេលានោះ ព្រះចន្ទ័ពុំសូវមានពន្លឺ ហើយចេះតែងងឹតទៅៗ។ នៅក្នុងពេលនោះហើយ ដែលយមបាលដោះលែងពួកប្រេតឱ្យមករស់នៅលាយឡំជាមួយពួកមនុស្ស ដើម្បីទទួលភោគផល ដែលសាច់ញាតិឧទ្ទិសឱ្យ។ ប្រសិនបើរយៈពេល ១៥ ថ្ងៃ ពួកប្រេតបានដើររកគ្រប់វត្តពុំឃើញមានបងប្អូនញាតិសន្តានណា ធ្វើបុណ្យបញ្ចូនកុសលទៅឱ្យទេ ពួកប្រេតនឹងអត់បាយអត់ទឹក ស្រែកឃ្លានរងទុក្ខវេទនា។ ប្រការនេះហើយ ដែលពួកប្រេតជេរផ្តាសា មកបងប្អូនញាតិសន្តានឱ្យវិនាសហិនហោចទ្រព្យសម្បត្តិ ព្រាត់ប្រាស់គ្រួសារ។

តើវិញ្ញាបនប័ត្រមានគំរូដូចម្តេច?
○ គំរូវិញ្ញាបនប័ត្រ៖

                                                                                 ព្រះរាជាណាចក្រកម្ពុជា

                                                                            ជាតិ សាសនា ព្រះមហាក្សត្រ

Logo

សាកលវិទ្យាល័យ......                                                                                          ...................... ថ្ងៃទី......ខែ........ឆ្នាំ.....

លេខៈ.......................

                                                                                  វិញ្ញាបនប័ត្រសិក្សា

                                                              សាកលវិទ្យាធិការ នៃសាកលវិទ្យាល័យ.............

                                                                                         បញ្ជាក់ថា

            និស្សិតឈ្មោះ ចាន់ សុក ភេទ ប្រុស សញ្ជាតិ ខ្មែរ

            កើតថ្ងៃទី......ខែ.......ឆ្នាំ............

            ទីកន្លែងកំណើត......................

            អាសយដ្ឋានបច្ចុប្បន្ន............................................................................

            ពិតជាបានមកទទួលការបណ្តុះបណ្តាល នូវមុខវិជ្ជា គណនេយ្យទូទៅ រយៈពេល៣ខែ ប្រឡងបញ្ចប់ប្រកបដោយជោគជ័យ ពិតប្រាកដមែន។

            លិខិតវិញ្ញាបនប័ត្រនេះ ត្រូវបានចេញជូនសាមីខ្លួន ដើម្បីយកទៅប្រើប្រាស់ តាមការដែលអាចប្រើបាន។

                                                                                                                                                    សាកលវិទ្យាធិការ

                                                                                                                                                  ហត្ថលេខា ត្រា ឈ្មោះ

តើអ្វីទៅជា អតិផរណា និង បរិត្តផរណា?
○ អតិផរណា គឺជាសភាពការណ៍ ឬ បាតុភូតនៃការឡើងថ្លៃជាទូទៅរបស់ទំនិញ ឬ សេវានានា និង កើនចំនួនប្រាក់នៅក្នុងការចរាចរណ៍នៅលើទីផ្សារ។ បើសរសេរឲ្យស្រួលយល់អតិផរណា មានន័យថា ទំនិញ ឬ សេវាឡើងថ្លៃ រីឯប្រាក់ចុះថោក។ ឧទាហរណ៍៖ កាលឆ្នាំ ២០០០ យើងមានលុយ ១០០ រៀល យើងអាចទិញបានបង្អែមមួយចាន (នៅជនបទ)។ ប៉ុន្តែ ឆ្នាំ ២០២៤ នេះ យើងមានលុយ ១០០ រៀល យើងមិនអាចទិញបង្អែមមួយចានបានទេ គឺ ទាល់តែមាន៥០០ រៀល ឬ ១០០០:រៀល ឬ ១៥០០ រៀល ឬ ច្រើនជាងនេះ ទើបយើងអាចទិញបង្អែមបានមួយចាន។ បង្អែម ១ ចានដដែល តែយើងត្រូវចំណាយលុយកាន់តែច្រើនជាងមុន។
◈ បរិត្តផរណា គឺជា ការដកចំនួនរូបិយវត្ថុមួយភាគចេញពីទីផ្សារ ដែលលើសចំនួនត្រូវការចរាចរណ៍របស់សាច់ប្រាក់ ដើម្បីធ្វើឲ្យចំនួនរូបិយវត្ថុសមាមាត្រ និង តម្រូវការចាំបាច់សម្រាប់ចរាចរណ៍។

តើការសម្រេចចិត្តទាំង៤ផ្តោតលើអ្វីខ្លះ?
○ ការសម្រេចចិត្តទាំង ៤​ មានដូចជា៖
· អ្នកប្រើប្រាស់
· សមាជិកច្រកបែងចែក Marketing
· គូរប្រកួតប្រជែង
· មតិសាធារណៈ

តើសព្វថ្ងៃនេះបានបន្សល់ទុកភស្តុតាងអ្វីខ្លះ ដែលបញ្ជាក់ពីភាពព្រៃផ្សៃក្នុងរបបខ្មែរក្រហម?
○ ភស្តុតាង ដែលបញ្ជាក់ពីភាពព្រៃផ្សៃក្នុងរបបខ្មែរក្រហម៖
· មន្ទីរសន្តិសុខតាមភូមិ ឃុំ ស្រុក ពិសេស មន្ទីរសរ ២១
· រណ្តៅសាកសព លលាក្បាល

តើកុមារត្រូវមានកាតព្វកិច្ច និងទំនួលខុសត្រូវដូចម្តេចខ្លះ?
○ កាតព្វកិច្ចរបស់កុមារ មាន៖
· នៅសាលារៀនត្រូវគោរពវិន័យសាលា (ច្បាប់)
· នៅតាមផ្លូវគោរពច្បាប់ចរាចរណ៍
· គោរពមាតាបិតា ចាស់ព្រឹទ្ធាចារ្យ
· ធ្វើឱ្យក្រុមគ្រួសារ មាតាបិតាសប្បាយចិត្ត
◈ ទំនួលខុសត្រូវរបស់កុមារ៖
· ខិតខំរៀនសូត្រឱ្យចេះចាំ ប្រឡងជាប់
· កសាងអំពើល្អ
· ប្រព្រឹត្តខ្លួនឯងជាកូនល្អ សិល្សល្អ មិត្តល្អ
· មិនរើសអើង (ប្រកាន់បក្សពួក មានក្រ)
· ការពារផ្លូវភេទ (បង្ខំឱ្យធ្វើពេស្យាចារ លក់ ឬ សេពគ្រឿងញៀន

តើសិទ្ធិធំៗរបស់កុមារមានប៉ុន្មាន? អ្វីខ្លះ?
○ សិទ្ធិធំៗរបស់កុមារ មាន ៤ គឺ៖
· សិទ្ធិរស់រានមានជីវិត មិនប្រហារជីវិត មិនត្រូវបោះបង់ចូល ត្រូវចិញ្ចឹមបីបាច់ ថែរក្សា សេវាសុខភាព។
· សិទ្ធិទទួលការការពារ ការពារផ្លូវកាយ ផ្លូវចិត្ត ផ្លូវសម្ភារ។
· សិទ្ធិក្នុងការអភិវឌ្ឃ ទទួលការអប់រំគ្រប់ប្រភេទ មាន អប់រំផ្លូវកាយ អប់រំបញ្ញា អប់រំស្មារតី។
· សិទ្ធិក្នុងការចូលរួម ទទួល និង ផ្សព្វផ្សាយព័ត៍មាន ការបញ្ចេញមតិយោបល់ ការចូលរួមក្នុងសហគមន៍។
☆ សិទ្ធិទាំងនេះ ត្រូវបានភ្ជាប់នឹងករណីយកិច្ចជានិច្ច។

តើអភិវឌ្ឍន៍ជនបទ មានទំនាក់ទំនងអ្វីខ្លះជាមួយការកាត់បន្ថយភាពក្រីក្ររបស់ប្រជាពលរដ្ឋ?
○ ការអភិវឌ្ឍន៍ជនបទ មានទំនាក់ទំនងជាមួយការកាត់បន្ថយភាពក្រីក្ររបស់ប្រជាពលរដ្ឋ៖
· ប្រជាពលរដ្ឋមានប្រាក់ចំណូលទាប ខ្វះសាលារៀននៅជិត ខ្វះផ្លូវគមនាគមន៍ ខ្វះទឹកប្រើប្រាស់ប្រចាំថ្ងៃ ខ្វះបង្គន់អនាម័យ ស្លាប់ដោយជម្ងឺច្រើន។ល។
· ប្រជាជនខ្វះដីបង្កបង្កើនផល ដីបង្កបង្កើនផលខ្វះជីវជាតិ ដីមានមីន មិនអាចបង្កបង្កើនផលបាន
· ប្រជាជនខ្វះដើមទុនសម្រាប់ប្រកបរបរវិជ្ជាជីវៈ
· បច្ចេកវិទ្យាទំនើបចូលមិនដល់កសិករ
· អាហារូបត្ថម្ភមិនគ្រប់គ្រាន់ បណ្ដាលឲ្យការអភិវឌ្ឍខួរក្បាល និង ការរីកធំធាត់របស់ក្មេងមិនល្អ កម្រិតនៃការអប់រំ និង ជំនាញទាប បណ្ដាលឲ្យរកចំណូលបានទាប
· គ្រោះធម្មជាតិ ដែលមានជាអាទិ៍ ទឹកជំនន់ និង ភាពរាំងស្ងួត។ល។
✧ អភិវឌ្ឍជនបទ គឺជា មធ្យោបាយដ៏សំខាន់បំផុត សម្រាប់កាត់បន្ថយភាពក្រីក្ររបស់ប្រជាពលរដ្ឋ។ អភិវឌ្ឍន៍ជនបទ គឺជាសកម្មភាពមួយ ឬ ចម្រុះគ្នា ដែលត្រូវបានរៀបចំឡើង ដើម្បីលើកស្ទួយកម្រិតជីវភាពរស់នៅផ្នែកសេដ្ឋកិច្ច សង្គម​​កិច្ចរបស់ប្រជាពលរដ្ឋ។​ ការ​អភិវឌ្ឍន៍ជនបទ គឺជា សកម្មភាពមួយ ឬ ចម្រុះគ្នា ដែលត្រូវបានរៀបចំឡើង ដើម្បីលើកស្ទួយកម្រិតជីវភាព​រស់នៅផ្នែកសេដ្ឋកិច្ច សង្គមកិច្ចរបស់ប្រជាពលរដ្ឋក្រីក្រនៅជនបទ។ សកម្មភាពអភិវឌ្ឍន៍ជនបទ រួមមាន៖
· ការស្ដារ និង អភិវឌ្ឍន៍ផ្លូវជនបទ រួមមាន ផ្លូវ ស្ពាន លូ ព្រមទាំងសំណង់ផ្សេងៗ
· ការផ្តត់ផ្តង់ទឹកជនបទ រួមមាន ទឹកហូបស្អាត ទឹកប្រើប្រាស់ និង ទឹកស្រោចស្រពខ្នាតតូច
· ការថែ:អភិវឌ្ឍន៍សហគមន៍
· ការងារ អភិវឌ្ឍសេដ្ឋកិច្ចជនបទ
· ការងារបណ្ដុះបណ្ដាល និង ការងារអភិវឌ្ឍន៍ជនជាតិដើមភាគតិច។ល។

ដូចម្តេចដែលហៅ​ថាទសពិតរាជធម៌? ​ចូរបង្ហាញ?
○ ទសពិតរាជធម៌គីជាធម៌ទាំង ១០ ប្រការ សំរាប់ព្រះ​រាជាទ្រង់ប្រ​ព្រឹត្ត ព្រមទាំង​ណែនាំពួកសេនាបតី មន្រី្តតូចធម និង ប្រជាព​លរដ្ឋប្រព្រឹត្តតាម។
+ ទសពិតរាជធម៌ទាំងនោះ គី៖​
១. ទាន                 =  ការធ្វើអំណោយ
២. សិល               =ការរក្សាសីល
៣. បរិច្ចាគ             =ការចំណាយព្រះរាជទ្រព្យទំនុកបំរុងប្រទេសជាតិ
៤. អាជ្ជវៈ               =  មានសេចក្តីទៀងត្រង់
៥.មទ្ទវៈ                 =    មានសេចក្តីទន់ភ្លន់ ស្លូតបូតសុភាពរាបសារ
៦. តបៈ                = ការកាន់ឧបោសថសីលតាមការកំណត់ម្តងៗ
៧. អកោធនៈ         =   មិនធ្វើឲ្យគេក្តៅក្រហាយ ដោយសារខ្លួន
៨. អវិហឹសា           =  មិនបៀតបៀនអ្នកដទៃ
៩. ខន្តិៈ                 = មានសេចក្តីអត់ធន់
១០. អវិរោធនៈ       =   មិន​បំពានលើធម៌ ឬ លើច្បាប់