តើការបំពេញខ្លឹមសារនៃក្រដាសតូចចែកចេញជាអ្វីខ្លះ?
◈ ការបំពេញខ្លឹមសារនៃក្រដាសតូចចែកចេញ ដូចជា៖
១. កម្មវត្ថុ៖ គេសរសេរកម្ម​វត្ថុឲ្យបានខ្លីច្បាស់លាស់ ងាយយល់។
            ឧទាហរណ៍៖ បើសំណុំឯកសារស្នើសុំគោលការណ៍ ដើម្បីចុះស្រាវជ្រាវនិស្សិតក្រីក្រក្នុងកម្មវត្ថុនៃក្រដាសតូច ត្រូវសរសេរថា “ករណីសំណើរសុំអនុញ្ញាតគោលការណ៍ ដើម្បីចុះស្រាវជ្រាវនិស្សិត ក្រីក្រឈ្មោះ..........នៅខេត្តកំពង់ចាម”។
២. ដើម្បី៖ ត្រង់កន្លែង “ដើម្បី” នេះលេខា ឬ នាយកខុទ្ធកាល័យ ត្រូវសរសេរថាសូមពិនិត្យ និង សម្រេចដ៏ខ្ពង់ខ្ពស់។
            ក្រៅពីនេះ ត្រង់កន្លែងដើម្បីនេះ គេអាចសរសេរថា “សូមជូនជ្រាបដ៏ខ្ពង់ខ្ពស់” ឬ “សូមសម្រេចហត្ថលេខា” តាមសាច់រឿងនៃសំណុំរឿង។
            ✽ កំណត់ចំណាំ
            ករណីរឿងស្មុគស្មាញ គេប្រើសាលកបត្រសរសេរមតិយោបល់ជូនថ្នាក់ដឹកនាំ។ បើសំណុំរឿង មិនមានការស្មុគស្មាញទេ គេប្រើក្រដាសតូច។ នៅលើសាលកបត្រ គេអាចធ្វើសេចក្តីសង្ខេបនៃសំណុំរឿង ឬ ធ្វើគំនូសបំព្រួញខ្លីច្បាស់លាស់ ដើម្បីថ្នាក់ដឹកនាំងាយស្រួលក្តាប់បញ្ហាសំខាន់ៗ នៃសំណុំរឿង​។ តាមធម្មតាសាលកបត្រមានទំហំប៉ុនគ្នា នឹងប្លុកណោត (Bloc note)។
            គេអាចធ្វើសេចក្តីសង្ខេបខ្លឹមសារនៃសាលកបត្រ ដោយដកស្រង់ចេញពីខ្លឹមសារលិខិតដើមលិខិតភ្ជាប់នានា និង រឿងរ៉ាវផ្សេងៗទៀត ដែលមានការពាក់ព័ន្ធ។

ហេតុអ្វីទៅបានជាគេប្រើក្រដាសតូច?
◈ គេប្រើក្រដាសតូច​ ដើម្បីអមឯកសារ ឬ សំណុំរឿងដែលត្រូវបញ្ជូនទៅថ្នាក់លើ។ អង្គភាពដែលត្រូវប្រើក្រដាសតូចនេះ គឺ ខុទ្ធកាល័យ ឬ លេខាផ្ទាល់របស់ថ្នាក់ដឹកនាំ។ តាមធម្មតា នាយក ឬ នាយខុទ្ធកាល័យ មិនត្រូវសរសេរយោបល់លើសំណុំរឿង ឬ ឯកសារដែលអង្គភាពជំនាញបញ្ជូនមកថ្នាក់ដឹកនាំទេ។ ដូច្នេះ គេត្រូវប្រើក្រដាសតូចនេះ សម្រាប់សរសេរបង្ហាញជូនថ្នាក់ដឹកនាំ។ គេខ្ទាស់ក្រដាសតូចលើសំណុំរឿង ឬ ឯកសាររបស់អង្គភាពជំនាញ។

តើការបញ្ជូនសំណុំលិខិត ត្រូវគោរពតាមគោលការណ៍អ្វីខ្លះ?
◈ ការបញ្ជូនសំណុំលិខិត ត្រូវគោរពតាមគោលការណ៍ ៤ គឺ៖
· បញ្ជូនតាមឋាននុក្រមដាច់ខាត មិនត្រូវរំលងឋាននុក្រម លើកលែងករណីពិសេស
· អនុវត្តគោលការណ៍កុងសង់ស៊ីស
· ចាត់ឲ្យមានអ្នកតាមដានសំណុំលិខិតជាប្រចាំ
· កិច្ចការដែលសម្រេចត្រឹមអនុប្រធានស្ថាប័ន ត្រូវរាយការណ៍ជូនប្រធានស្ថាប័នជ្រាបផង។

ដូចម្តេចហៅថាកំណត់បង្ហាញរឿង?
◈ កំណត់បង្ហាញរឿង គឺជាឯកសាររដ្ឋបាល​ដែលគេធ្វើឡើង សម្រាប់ជួយឲ្យថ្នាក់ដឹកនាំជ្រាបបានច្បាស់លាស់ នូវខ្លឹមសារនៃកិច្ចការអ្វីមួយ ដែលជាសំណើ ឬ ជាការជូនព័ត៌មាន ចំពោះលិខិតស្នាមនានា។

តើវិញ្ញាបនប័ត្រមានគំរូដូចម្តេច?
○ គំរូវិញ្ញាបនប័ត្រ៖

                                                                                 ព្រះរាជាណាចក្រកម្ពុជា

                                                                            ជាតិ សាសនា ព្រះមហាក្សត្រ

Logo

សាកលវិទ្យាល័យ......                                                                                          ...................... ថ្ងៃទី......ខែ........ឆ្នាំ.....

លេខៈ.......................

                                                                                  វិញ្ញាបនប័ត្រសិក្សា

                                                              សាកលវិទ្យាធិការ នៃសាកលវិទ្យាល័យ.............

                                                                                         បញ្ជាក់ថា

            និស្សិតឈ្មោះ ចាន់ សុក ភេទ ប្រុស សញ្ជាតិ ខ្មែរ

            កើតថ្ងៃទី......ខែ.......ឆ្នាំ............

            ទីកន្លែងកំណើត......................

            អាសយដ្ឋានបច្ចុប្បន្ន............................................................................

            ពិតជាបានមកទទួលការបណ្តុះបណ្តាល នូវមុខវិជ្ជា គណនេយ្យទូទៅ រយៈពេល៣ខែ ប្រឡងបញ្ចប់ប្រកបដោយជោគជ័យ ពិតប្រាកដមែន។

            លិខិតវិញ្ញាបនប័ត្រនេះ ត្រូវបានចេញជូនសាមីខ្លួន ដើម្បីយកទៅប្រើប្រាស់ តាមការដែលអាចប្រើបាន។

                                                                                                                                                    សាកលវិទ្យាធិការ

                                                                                                                                                  ហត្ថលេខា ត្រា ឈ្មោះ

តើលិខិតបញ្ជាក់មានគំរូដូចម្តេច?
○ គំរូលិខិតបញ្ជាក់៖

                                                                                 ព្រះរាជាណាចក្រកម្ពុជា

                                                                             ជាតិ សាសនា ព្រះមហាក្សត្រ

Logo

សាកលវិទ្យាល័យ......                                                                                          ...................... ថ្ងៃទី......ខែ........ឆ្នាំ.....

លេខៈ.......................

                                                                                 លិខិតបញ្ជាក់ការសិក្សា

                                                                   សាកលវិទ្យាធិការ សាកលវិទ្យាល័យ............

                                                                                         បញ្ជាក់ថា

            និស្សិតឈ្មោះ ចាន់ សុក ភេទ ប្រុស សញ្ជាតិ ខ្មែរ

            កើតថ្ងៃទី......ខែ.......ឆ្នាំ............

            ទីកន្លែងកំណើត......................

            អាសយដ្ឋានបច្ចុប្បន្ន............................................................................

            ឪពុកឈ្មោះ........................................................................................

            ម្តាយឈ្មោះ........................................................................................

            ពិតជានិស្សិតកំពុងសិក្សា ថ្នាក់បរិញ្ញាបត្រ ឆ្នាំទី ២ ជំនាញគណនេយ្យ នៃសាកលវិទ្យាល័យ...ពិតប្រាកដមែន។

            លិខិតនេះ ត្រូវបានចេញជូនសាមីខ្លួន ដើម្បីយកទៅប្រើប្រាស់ តាមការដែលអាចប្រើបាន។

                                                                                                                                                  សាកលវិទ្យាធិការ

                                                                                                                                                ហត្ថលេខា ត្រា ឈ្មោះ

តើបង្កាន់ដៃទទួលមានគំរូដូចម្តេច?
○ គំរូបង្កាន់ដៃទទួល

                                                                                  ព្រះរាជាណាចក្រកម្ពុជា

                                                                               ជាតិ សាសនា ព្រះមហាក្សត្រ

Logo

សាកលវិទ្យាល័យ......                                                                                          ...................... ថ្ងៃទី......ខែ........ឆ្នាំ.....

លេខៈ.......................

                                                                                            បង្កាន់ដៃទទួល

            សាកលវិទ្យាធិការ..................................................................បានទទួល....................ពីលោក...................... ..............................................................................................................................................................................................................................................................................................................................។

                                                                                                                                                 ត.ប សាកលវិទ្យាធិការ

                                                                                                                                                      នាយករដ្ឋបាល

                                                                                                                                                          ហត្ថលេខា

                                                                                                                                                               ត្រា

                                                                                                                                                              ឈ្មោះ

តើទម្រង់នៃបង្កាន់ដៃទទួល លិខិតបញ្ជាក់ វិញ្ញាបនប័ត្រ ចែកចេញជាប៉ុន្មនាផ្នែក? អ្វីខ្លះ?
○ ទម្រង់ នៃបង្កាន់ដៃទទួល លិខិតបញ្ជាក់ វិញ្ញាបនប័ត្រ ចែកចេញជា ៣ ផ្នែក៖
· ចំណែកដើម
· អត្ថបទ
· ផ្នែកបញ្ចប់
ក. ចំណែកដើម
· ក្បាលលិខិត
· ចំណងជើង
ខ. អត្ថបទ
· គេប្រើរូបមន្ត មុខងារ (បានទទួល ឬ សូមបញ្ជាក់ថា ឬ បញ្ជាក់ថា) ចាប់ពី ថាទៅ។
· គេសរសេរទៅតាមសាច់រឿង។ សូមមើលគំរូឧទាហរណ៍ នៅខាងក្រោម។
គ. ផ្នែកបញ្ចាប់ គឺ ចុះហត្ថលេខា ត្រា និង ឈ្មោះ
🍢 ចំណាំ៖
· ចំពោះវិញ្ញាបនប័ត្រ និង លិខិតបញ្ជាក់ សម្រាប់បញ្ជាក់លើព្រឹត្តិការណ៍នៃជីវភាពស៊ីវិលរបស់បុគ្គល ការបញ្ជាក់លើស្ថានភាពគ្រួសារ កំរិតវប្បធម៌។ល។
· គេប្រើពាក្យ “លិខិតបញ្ជាក់” សម្រាប់ឯកសារដែលពាក់ព័ន្ធនឹងសកម្មភាពរដ្ឋបាល ដូចជា លិខិតបញ្ជាក់អំពីមុខងារ លិខិតបញ្ជាក់ការសិក្សា លិខិតបញ្ជាក់ចូលបម្រើការងារ លិខិតបញ្ជាក់ការឈប់សម្រាកពីការងារ។ល។

អ្វីទៅជាបង្កាន់ដៃទទួល លិខិតបញ្ជាក់ វិញ្ញាបនប័ត្រ?
○ បង្កាន់ដៃទទួល លិខិតបញ្ជាក់ និង វិញ្ញបនប័ត្រ គឺជា ឯកសាររដ្ឋបាល ដែលចេញដោយអង្គភាព ឬ ស្ថាប័ននានា តាមសំណូមពររបស់សាមីជន ក្រោយពីបានពិនិត្យហេតុការណ៍ ឬ ស្ថានភាពអ្វីមួយ ដែលកើតមានឡើងពិតប្រាកដ។
📍​គេប្រើបោះពុម្ពរួចជាស្រេច នូវខ្លឹមសាររួមនៃបង្កាន់ដៃទទួល​ លិខិតបញ្ជាក់ និងវិញ្ញាបនប័ត្រ ដោយទុកចន្លោះសម្រាប់បំពេញខ្លឹមសារដោយឡែក។
🍢​ ខ្លឹមសារបង្កាន់ដៃទទួល លិខិតបញ្ជាក់ វិញ្ញាបនប័ត្រ គឺ គេត្រូវសរសេរឲ្យខ្លី និង ច្បាស់លាស់។

តើលិខិតអញ្ជើញប្រជុំ ឬដោះស្រាយទំនាស់មានទំរង់ដូចម្តេច?
○ គំរូលិខិតអញ្ជើញប្រជុំ ឬ ដោះស្រាយទំនាស់

                                                                                     ព្រះរាជាណាចក្រកម្ពុជា

                                                                                  ជាតិ សាសនា ព្រះមហាក្សត្រ

Logo

..............................                                             ​​​                                                 
រាជធានីភ្នំពេញ ថ្ងៃទី......ខែ........ឆ្នាំ.....

លេខៈ............លអជ

                                                                                               លិខិតអញ្ជើញ

            ចៅសង្កាត់.....................មានកិត្តិយស សូមអញ្ជើញ លោក...............មកកាន់សាលាសង្កាត់....................នៅថ្ងៃទី.....ខែ.....ឆ្នាំ........ម៉ោង................ដើម្បីធ្វើការផ្សះផ្សា................។

                                                                                                                                                                   ចៅសង្កាត់

                                                                                                                                                                   ហត្ថលេខា

                                                                                                                                                                         ត្រា

                                                                                                                                                                       ឈ្មោះ

តើលិខិតអញ្ជើញមានទំរង់ដូចម្តេច?
○ គំរូលិខិតអញ្ជើញ មានទំរង់ដូចជា៖

                                                                                    ព្រះរាជាណាចក្រកម្ពុជា

                                                                                ជាតិ សាសនា ព្រះមហាក្សត្រ

Logo

ក្រសួង....................                                                                                          
រាជធានីភ្នំពេញ ថ្ងៃទី......ខែ........ឆ្នាំ.....

លេខៈ............លអជ

                                                                                             លិខិតអញ្ជើញ

                                                                                រដ្ឋមន្ត្រីក្រសួង.........................

                                                                                         សូមគោរពអញ្ជើញ

                                                                              ឯកឧត្តម...................ជា..............

                                   ដើម្បីចូលរួមប្រជុំ ដែលនឹងប្រព្រឹត្តទៅ នៅថ្ងៃទី....ខែ.....ឆ្នាំ.....ម៉ោង...........នៅ..............។

                                                                                                របៀបវារៈ

                                                                                 ៤- ..................................

                                                                                 ៥- ..................................

                                                                                 ៦- បញ្ហាផ្សេងៗ

                                                                                                                                                                 ជ.រដ្ឋមន្រ្តី

                                                                                                                                                              រដ្ឋលេខាធិការ

                                                                                                                                                                 ហត្ថលេខា

                                                                                                                                                                      ត្រា

                                                                                                                                                                   ឈ្មោះ

តើលិខិតអញ្ជើញមានប៉ុន្មានចំណុច? មានអ្វីខ្លះ?
○ លិខិតអញ្ជើញ មានដូចខាងក្រោម៖
🔆 ចំណែកដើម
ក- ឈ្មោះហៅផ្លូវការ នៃប្រទេស និង បាវចនា
ខ- និមិត្តសញ្ញាជាផ្លូវការ និង ប្រភព
គ- លេខ និង អក្សរកាត់លិខិត
ឃ- ទីកន្លែង និងកាលបរិច្ឆេទ៖ គេសរសេរទីកន្លែង និង កាលបិរច្ឆេទលើបន្ទាត់ជាមួយ​ ដែលសរសេរឈ្មោះស្ថាប័ន ឬអង្គភាព
ង- ចំណងជើង៖ គេសរសេរចំណងជើងថា​ “លិខិតអញ្ជើញ” ទីទាំងឋិតនៅក្រោមលេខលិខិតចន្លោះ ១ ឬ ២ បន្ទាត់ ហើយចំកណ្តាលទំព័រ។
💥 ឧទាហរណ៍​៖
                                                                                       ព្រះរាជាណាចក្រកម្ពុជា

                                                                                    ជាតិ សាសនា ព្រះមហាក្សត្រ

..............................                                                                                             រាជធានីភ្នំពេញ ថ្ងៃទី......ខែ........ឆ្នាំ....

លេខៈ...................

                                                                                              លិខិតអញ្ជើញ

ខ្លឹមសារ

            គេប្រើរូបមន្ត មុខងារ​ ឬឈ្មោះស្ថាប័ន + មានកិត្តិយស + សូមអញ្ជើញ ឬសូមគោរពអញ្ជើញ + ឯកឧត្តម លោកឧកញ៉ា លោកជំទាវ លោក លោកស្រីជា...............(មុខងារ) ឬ លោក ហេង ចន្ថា + មុខងារ...........។

            ខ្លឹមសារនៃលិខិតអញ្ជើញ អាចប្រែប្រួលទៅតាមករណី ដូចខាងក្រោម៖

            ក- លិខិតអញ្ជើញប្រជុំ

            រដ្ឋមន្រ្តីក្រសួង...........មានកិត្តិយសសូមអញ្ជើញ ឯកឧត្តម លោកជំទាវ អស់លោក លោកស្រី ជា.............ចូលរួមប្រជុំ ដែលនឹងប្រព្រឹត្តទៅ នៅថ្ងៃទី....ខែ........ឆ្នាំ..........វេលាម៉ោង..........នៅបន្ទប់.................ដើម្បីពិភាក្សាបញ្ហា.......................................(របៀបវារ៖នៃការប្រជុំ)។

            រដ្ឋមន្រ្តីក្រសួង..............មានកិត្តិយសសូមអញ្ជើញ ឯកឧត្តម សាកលវិទ្យាធិការ នៃសាកលវិទ្យាល័យ............ចូលរួមប្រជុំ ដែលនឹងប្រព្រឹត្តទៅនៅថ្ងៃទី........ខែ.........ឆ្នាំ.......វេលាម៉ោង...... នៅបន្ទប់........ដើម្បីពិភាក្សាបញ្ហា....................................(របៀបវារ៖នៃការប្រជុំ)។

            របៀបវារៈនៃការប្រជុំ បើមានបញ្ហាច្រើន គេត្រូវបង់លេខ និង សរសេរបញ្ហានីមួយៗ ពីលើមកក្រោម ឯបញ្ហាចុងក្រោយគេសរសេរថា បញ្ហាផ្សេងៗ។

💥 ឧទាហរណ៍៖

                                                                                              របៀបវារៈ

                                                                                    ១- ..................................

                                                                                    ២- ..................................

                                                                                    ៣- បញ្ហាផ្សេងៗ

            ខ-​​ការអញ្ជើញចំឈ្មោះ

            សាកលវិទ្យាធិការ​ នៃសាកលវិទ្យាល័យ......មានកិត្តិយស សូមអញ្ជើញ លោក.....ប្រធាន....ចូលរួមប្រជុំ ដែលនឹងប្រព្រឹត្តទៅនៅថ្ងៃទី.....ខែ......ឆ្នាំ.........វេលាម៉ោង..........នៅបន្ទប់.........ដើម្បីពិភាក្សាបញ្ហា................................................(របៀបវារៈនៃការប្រជុំ)។

            សាកលវិទ្យាធិការ​ នៃសាកលវិទ្យាល័យ.......មានកិត្តិយស សូមអញ្ជើញ លោក..............ប្រធាន..............មកកាន់.............(ទីកន្លែង) នៅថ្ងៃទី.....ខែ.....ឆ្នាំ......ដើម្បី..........។

រូបមន្តបញ្ចប់

            ក- ការចុះហត្ថលេខា ត្រូចុះមុខងារអ្នកអញ្ជើញឲ្យបានច្បាស់លាស់។ អ្នកអញ្ជើញត្រូវចុះហត្ថលេខា បោះត្រា និង ឈ្មោះ។ គេអាចចុះហត្ថលេខា​ តាមការផ្ទេរអំណាច ឬ តាមការអនុញ្ញាត និង តាមការបញ្ជា ក៏បានដោយអាស្រ័យ លើសារៈសំខាន់នៃកិច្ចការដែលត្រូវអញ្ជើញ។

គំរូ លិខិតអញ្ជើញប្រជុំ

                                                                                     ព្រះរាជាណាចក្រកម្ពុជា

                                                                                  ជាតិ សាសនា ព្រះមហាក្សត្រ

Logo

ក្រសួង....................                                                                                          រាជធានីភ្នំពេញ ថ្ងៃទី......ខែ........ឆ្នាំ.....

លេខៈ............លអជ

                                                                                            លិខិតអញ្ជើញ

            រដ្ឋមន្រ្តីក្រសួង............................មានកិត្តិយស សូមអញ្ជើញ ឬសូមគោរពអញ្ជើញ លោកប្រធានមន្ទីរ..................ចូលរួមប្រជុំ ដែលនឹងប្រព្រឹត្តទៅ នៅថ្ងៃទី.....ខែ..........ឆ្នាំ......ម៉ោង...........នៅ...............................ដើម្បីពិភាក្សាបញ្ហា...............................។
                                                                                                                                                                ជ.រដ្ឋមន្រ្តី
                                                                                                                                                             រដ្ឋលេខាធិការ
                                                                                                                                                                  ហត្ថលេខា
                                                                                                                                                                        ត្រា

                                                                                                                                                                     ឈ្មោះ

តើអ្វីទៅជាទំរង់លិខិតអញ្ជើញ?
○ ទំរង់លិខិតអញ្ជើញ គឺ អង្គភាពដែលមានភារកិច្ចធ្វើលិខិតអញ្ជើញជាញឹកញាប់ ត្រូវបោះពុម្ពរួចជាស្រេចនូវខ្លឹមសាររួម ដោយទុកចន្លោះសម្រាប់បំពេញខ្លឹមសារដោយឡែក។

អ្វីទៅជាលិខិតអញ្ជើញ?
○ លិខិតអញ្ជើញ គឺជា ឯកសារដែលមន្ត្រីមួយរូបអញ្ជើញមន្ត្រីច្រើនរូបឲ្យចូលរួមប្រជុំ​ ឬ អាជ្ញាធរមានសមត្ថកិច្ច ប្រើសម្រាប់អញ្ជើញបុគ្គលណាមួយ មកដោះស្រាយទំនាស់ផ្សេងៗ។

តើទំរង់ នៃពាក្យបណ្តឹងមានប៉ុន្មានផ្នែក? អ្វីខ្លះ?
○ ទំរង់នៃពាក្យបណ្តឹង រួមមាន ៣ ផ្នែក​៖ ចំណែកដើម អត្ថបទ រូបមន្តបញ្ចប់។
• ចំណែកដើម រួមមាន ឈ្មោះប្រទេស និង បាវចនា ទីកន្លែង និង កាលបរិច្ឆេទ ចំណងជើង ​អ្នកប្តឹង អ្នកទទួល កម្មវត្ថុ​ ឯកសារយោង​ លិខិតភ្ជាប់​។
- ឈ្មោះប្រទេស និង បាវចនា
- ប្រភព លេខលិខិត​ អក្សរកាត់លិខិត
- ទីកន្លែង និង កាលបរិច្ឆេទ៖ គេសរសេរទីកន្លែង និង កាលបរិច្ឆេទ នៅខាងលើ ប៉ែកខាងស្តាំ
- ចំណងជើង​៖ គេសរសេរចំណងជើង នៅចំកណ្តាលទំព័រ ជាតួអក្សរធំៗបន្តិច ព្រមទាំងមានគូសបន្ទាត់ពីក្រោមក៏បាន។
- អ្នកប្តឹង​៖ គេត្រូវសរសេរបញ្ជាក់ឲ្យបានច្បាស់លាស់ អំពីអ្នកប្តឹង។ ប្រសិនបើជាមន្រ្តីរាជការ ត្រូវបញ្ជាក់អំពីមុខងារ ឬ ឋានៈ ឲ្យបានច្បាស់លាស់។ ប្រសិនជាបុគ្គលឯកជនជាអ្នកប្តឹងគេត្រូវប្រាប់អំពី ឈ្មោះ អាស័យដ្ឋានដពិតប្រាកដ។
- អ្នកទទួល៖ គេមិនសរសេរឈ្មោះទេ គឺ គេសរសេរតែងារ ​និង មុខងារ តែប៉ុណ្ណោះ។
🔆 ឧទាហរណ៍៖
                                                                                                 ពាក្យបណ្តឹង

                                                 ខ្ញុំបាទឈ្មោះ...............................ទីលំនៅ...............................................

                                                                                                 សូមគោរពជូន

                                                                    លោកប្រធានតុលាការ.............................................

                                                                                                          ឬ

                                                                                ប្រធានក្រុមហ៊ុន .............................

                                                                                                  សូមគោរពជូន

                                                                           លោក ប្រធានតុលាការ...............................

                    - កម្មវត្ថុ

                    - យោង

                    - លិខិតភ្ជាប់

អត្ថបទ

អត្ថបទបណ្តឹង គេត្រូវបញ្ជាក់ឲ្យបានច្បាស់អំពីអ្នកប្តឹង និងមូលហេតុ ឬបញ្ហាដែលត្រូវប្តឹង។

រូបមន្តបញ្ចប់

អ្នកប្តឹងត្រូវចុះហត្ថលេខា​ ឬ ផ្តិតមេដៃ។

🔆 ឧទាហរណ៍ ១៖

                                                                                ព្រះរាជាណាចក្រកម្ពុជា

                                                                             ជាតិ សាសនា ព្រះមហាក្សត្រ

                                                                                                                     រាជធានីភ្នំពេញ ថ្ងៃទី......ខែ........ឆ្នាំ..........

                                                                                          ពាក្យបណ្តឹង

                                                                          អគ្គនាយក ក្រុមហ៊ុន...................

                                                                                                   ឬ

                                         ខ្ញុំបាទ.......................អាយុ..........មុខរបរ.................អាស័យដ្ឋាន....................

                                                                                             គោរពជូន

                                                                   លោក ព្រះរាជអាជ្ញាអមតុលាការរាជធានីភ្នំពេញ

កម្មវត្ថុ ៖ ប្តឹងពីឈ្មោះ

            - ក មុខរបរ.......................................

            - ខ មុខរបរ.......................................

            តាមកម្មវត្ថុខាងលើនេះ​ ខ្ញុំសូមជម្រាបជូន លោក ព្រះរាជអាជ្ញា មេត្តាជ្រាបថា​៖ កាលពីថ្ងៃទី...ខែ........ឆ្នាំ......... ឈ្មោះ ក ឈ្មោះ​ ខ បានជេរ.............។ ទង្វើទាំងនេះ គឺ ធ្វើឲ្យប៉ះពាល់ដល់កិត្តិយស សេចក្តីថ្លៃថ្នូររបស់ខ្ញុំ ហើយក៏ធ្វើឲ្យប៉ះពាល់ដល់កិត្យានុភាពគ្រួសារខ្ញុំទាំងមូល។ អំពើនេះជាអំពើល្មើស ទៅនឹងមាត្រា ៦៥ នៃច្បាប់ព្រហ្មទណ្ឌអន្តរកាល។

            ដូច្នេះក្នុងរឿងនេះ ក្នុងនាមខ្ញុំជាជនរងគ្រោះ សូមប្តឹងទាមទារជំងឺចិត្តពីឈ្មោះ ក និង ខ ជាប្រាក់ក្នុងម្នាក់ៗចំនួន.......................... និង សុំតុលាការផ្តន្ទាទោសជនល្មើសទៅតាមច្បាប់។

            អាស្រ័យដូនបានជម្រាបជូនខាងលើនេះ​ សូម លោក ព្រះរាជអាជ្ញាមេត្តាពិនិត្យ និងចាត់ការតាមផ្លូវច្បាប់ដោយអនុគ្រោះ។

            សូមលោក ព្រះរាជអាជ្ញា ទទួលនូវការគោរពដ៏ខ្ពង់ខ្ពស់អំពីខ្ញុំ។

ស្នាមមេដៃ អ្នកប្តឹង ឬ ហត្ថលេខា

🔆 ឧទាហរណ៍ ២៖

                                                                                        ព្រះរាជាណាចក្រកម្ពុជា

                                                                                    ជាតិ សាសនា ព្រះមហាក្សត្រ

                                                                                                                           រាជធានីភ្នំពេញ ថ្ងៃទី......ខែ........ឆ្នាំ....

                                                                                                  ពាក្យបណ្តឹង

                                                                                អគ្គនាយក ក្រុមហ៊ុន.....................

                                                                                                          ឬ

                                               យើងខ្ញុំទាំងអស់គ្នា ដែលមានឈ្មោះខាងក្រោមនេះ

                                              -​ ក ភេទ ប្រុស អាយុ..........ឆ្នាំ មុខរបរ...............មានអាស័យដ្ឋានផ្ទះ......................

                                              - ខ ភេទ ប្រុស អាយុ..........ឆ្នាំ មុខរបរ...............មានអាស័យដ្ឋានផ្ទះ......................

                                                                                                 សូមគោរពជូន

                                                                                លោក ព្រះរាជអាជ្ញាអមតុលាការ................

កម្មវត្ថុ ៖ ប្តឹងពីឈ្មោះ...............មុខរបរ..............ពីបទបរិហាក្តេរិ៍ និង ជេរប្រមាថ។

យោង ៖​​ -ពាក្យបណ្តឹងចុះថ្ងៃទី.......ខែ........ឆ្នាំ........របស់ឈ្មោះ..............

             -ដីកាតម្ពល់រឿងទុកឥតចាត់ការលេខ...ចុះថ្ងៃទី....ខែ...ឆ្នាំ....របស់អយ្យការអមតុលាការ​។

            តាមកម្មវត្ថុ​ និងយោងខាងលើ​ យើងខ្ញុំមានកិត្តិយស សូមជម្រាបជូនលោកព្រះរាជអាជ្ញា មេត្តាជ្រាបថាកាលពីថ្ងៃទី....ខែ.....ឆ្នាំ.....ឈ្មោះ...................................បានធ្វើពាក្យបណ្តឹងមួយទៅព្រះរាជអាជ្ញាអមតុលាការ........ប្តឹងពីយើងខ្ញុំពីរនាក់ និងគូកន ពីបទបរិហាកេរ្តិ៍ និងជេរប្រមាថ​ដោយលើកអំណះអំណាងថា​នៅថ្ងៃទី.......ខែ.......ឆ្នាំ.......​.......។

            ទង្វើទាំងឡាយរបស់ឈ្មោះ..............................​...បានធ្វើឲ្យប៉ះពាល់ដល់កិត្តិយស​ សេចក្តីថ្លៃថ្នូរ របស់យើងខ្ញុំទាំងអស់គ្នា​ ហើយជាអំពើល្មើសនឹងមាត្រា​ ៦៣ ​នៃច្បាប់ព្រហ្មខណ្ឌ និង នីតិវិធីព្រហ្មទណ្ឌ សម្រាប់អនុវត្តនៅប្រទេសកម្ពុជាក្នុងសម័យអន្តរកាល។

            ដូច្នេះក្នុងរឿងនេះ យើងខ្ញុំម្នាក់ៗ សូមប្តឹងទាមទារសំណងជំងឺចិត្តពី ឈ្មោះ........ចំនួន.......... .........)​និង សុំឲ្យតុលាការផ្តន្ទាទោសជនល្មើសតាមផ្លូវច្បាប់។

            អាស្រ័យហេតុដូចបានជម្រាបជូនខាងលើ សូមលោក ព្រះរាជអាជ្ញា មេត្តាពិនិត្យ និងសម្រេចចោទប្រកាន់ជនល្មើស តាមផ្លូវច្បាប់ ​ដោយក្តីអនុគ្រោះ។

            សូមលោក ទទួលនូវការគោរពដ៏ខ្ពង់ខ្ពស់ អំពីយើងខ្ញុំ។

ស្នាមមេដៃ អ្នកប្តឹង​ ឬ ហត្ថលេខា

អ្វីទៅជាពាក្យបណ្តឹង?
​○ ពាក្យបណ្តឹង គឺជា លិខិតដែលបុគ្គលម្នាក់ ប្តឹងទៅរដ្ឋអំណាច ឬ តុលាការ ដើម្បីឲ្យដោះស្រាយទំនាស់រវាងរូបគេ ជាមួយនឹងបុគ្គលណាម្នាក់ ឬ ជាមួយស្ថាប័ន អង្គភាពណាមួយ។ល។

តើរូបមន្តបញ្ចប់នៃកិច្ចសន្យាមានអ្វីខ្លះ?
○ រូបមន្តបញ្ចប់ មានដូចជា៖
ក. ទីកន្លែង និង កាលបរិច្ឆេទ៖ គេចុះកាលបរិច្ឆេទ នៃកិច្ចសន្យានៅថ្ងៃដែលភាគីចុងក្រោយ គេចុះហត្ថលេខា។ គេសរសេរកាលបរិច្ឆេទនៃកិច្ចសន្យា នៅខាងក្រោមអត្ថបទនៃកិច្ចសន្យា។
ឧទាហរណ៍៖​​                                     ....................................................................................។
រាជធានីភ្នំពេញ ថ្ងៃទី.....ខែ.........ឆ្នាំ.......
ខ. ការចុះហត្ថលេខា
ការបញ្ជាក់ពាក់ព័ន្ធ និង អ្នកចុះហត្ថលេខា ត្រូវបានសរសេរនៅខាងក្រោមកាលបរិច្ឆេទចន្លោះ ២-៣ បន្ទាត់ ឬ ទៅតាមការជាក់ស្តែង។ គេសរសេរមុខងារតំណាងនៃស្ថាប័ន អង្គភាព នីមួយៗ។
ឧទាហរណ៍៖
ប្រធានផ្គត់ផ្គង់ សហគ្រាសដឹកជញ្ជូន
ឈ្មោះអ្នកចុះហត្ថលេខា ត្រូវសរសេរខាងក្រោមហត្ថលេខា។
គ. រូបមន្តនៃការយល់ព្រម
បើត្រូវបញ្ជូនកិច្ចសន្យា ទៅអាជ្ញាធរថ្នាក់លើចុះហត្ថលេខាយល់ព្រមទៀត គេត្រូវសរសេរូបមន្ត ដូចខាងក្រោមនេះ​៖

លេខ.....................................

បានឃើញ និង យល់ព្រម

.............ថ្ងៃទី.....ខែ.....ឆ្នាំ........

រដ្ឋមន្រ្តី

គំរូឧទាហរណ៍
                                                            ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ
                                                                       
កិច្ចសន្យា
                                                                          ស្តីពី                                                     .............................................

រដ្ឋមន្រ្តីក្រសួង........................

និង លោក សុក នាយកក្រុមហ៊ុន...................................................................

អាស័យដ្ឋាន.................................................................

បានព្រមព្រៀងគ្នា ដូចខាងក្រោម៖

ប្រការ ១៖........................................................................................................

ប្រការ ២៖........................................................................................................

ប្រការ ៣៖........................................................................................................

ប្រការ ៤៖........................................................................................................

កិច្ចសន្យានេះធ្វើឡើង ដោយគ្មានភាគីណាមួយ បង្ខំភាគីណាមួយឡើយ។

រាជធានីភ្នំពេញ ថ្ងៃទី......ខែ........ឆ្នាំ..........

រដ្ឋមន្រ្តី

ប្រធានផ្គត់ផ្គង់             

អគ្គនាយក

លេខ..................

បានឃើញ និង យល់ព្រម

រាជធានីភ្នំពេញ ថ្ងៃទី.....ខែ......ឆ្នាំ........

រដ្ឋមន្រ្តី..............

តើចំណែកដើមនៃកិច្ចសន្យាមានអ្វីខ្លះ? ចូរបកស្រាយ?
○ ចំណែកដើមរួមមាន៖ ក្បាលលិខិត និង ចំណងជើង។
• ក្បាលលិខិតរួមមាន៖ ឈ្មោះហៅផ្លូវការនៃប្រទេស បាវចនា និង ប្រភព។
• ចំណងជើង៖ គេសរសេរចំណងជើងនៅចំកណ្តាលទំព័រ ជាតួអក្សរធំបន្តិច ក្រោមបាវចនាប្រហែល ៤-៥ ​ចន្លោះបន្ទាត់។

ឧទាហរណ៍៖

                                                                                    កិច្ចសន្យា

                                                                                       ស្តីពី

                                                                       ............................................

• រូបមន្តនៃកិច្ចសន្យា៖ ​គេសរសេរឈ្មោះភាគីដែលពាក់ព័ន្ធនិងកិច្ចសន្យា នៅក្នុងចំណែកដើមដែរ។ ក្នុងការសរសេរភាគីដែលពាក់ព័ន្ធនឹងកិច្ចសន្យា គេត្រូវសរសេរមុខងារអ្នកទទួលខុសត្រូវក្នុងក្រសួង ស្ថាប័ន អង្គភាព គឺ គេមិនសរសេរឈ្មោះបុគ្គលទេ។ រីឯភាគីម្ខាងទៀត ដែលត្រូវចុះកិច្ចសន្យាជាមួយនោះ គេត្រូវបា្រប់ឈ្មោះ មុខងារក្នុងសង្គមព្រមទាំងអាស័យដ្ឋាន។

ឧទាហរណ៍៖

                                                                  រដ្ឋមន្រ្តីក្រសួងអប់រំ យុវជន និងកីឡា

                                                                                         និង

                                                                  លោក នាយកក្រុមហ៊ុន..................

                                                      អាស័យដ្ឋាន ផ្ទះលេខ....................................................

តើទំរង់នៃកិច្ចសន្យាមានប៉ុន្មានផ្នែក?
○ ទំរង់នៃកិច្ចសន្យា រួមមាន ៣ ផ្នែក គឺ៖
· ចំណែកដើម
· អត្ថបទ
· រូបមន្តបញ្ចប់

តើការរៀបចំធ្វើកិច្ចសន្យាមានប៉ុន្មានប្រភេទ?
○ ការរៀបចំធ្វើកិច្ចសន្យា មានពីរប្រភេទ គឺ៖
1. ការធ្វើសេចក្តីព្រាង
អង្គភាពជំនាញ ជាអ្នករៀបចំធ្វើសេចក្តីព្រាងនៃកិច្ចសន្យា បើសិនកិច្ចសន្យាជាមួយរដ្ឋ។ អ្នកតែងសេចក្តីព្រាងនៃកិច្ចសន្យា ត្រូវមានឯកសារពាក់ព័ន្ធនឹងកិច្ចការ និង បទបញ្ញត្តិនានា ដើម្បីធ្វើជាមូលដ្ឋាន ព្រមទាំងត្រូវមានការណែនាំច្បាស់លាស់ពីថ្នាក់លើ។ ជួនកាលគេអាចរកគំរូនៃកិច្ចសន្យាពីមុនៗ មកធ្វើជាមូលដ្ឋាន។ បើកិច្ចសន្យាឯកជនភាគីទាំងពីរ ត្រូវចូលរួមធ្វើកិច្ចសន្យាជាមួយគ្នា ឬ ភាគីណាមួយធ្វើសេចក្តីព្រាង ហើយយកមកពិភាក្សាគ្នាតាមក្រោយក៏បាន។ សេចក្តីព្រាងនៃកិច្ចសន្យា ត្រូវដាក់ជូនអាជ្ញាធរថ្នាក់លើពិនិត្យ និង យល់ព្រម បើកិច្ចសន្យាជាមួយរដ្ន។
2. ការត្រួតពិនិត្យ និង ការអនុញ្ញាតជាមុន
ចំពោះកិច្ចសន្យា ដែលពាក់ព័ន្ធនឹងការចំណាយថវិការដ្ឋ កិច្ចសន្យានេះ ត្រូវមានការអនុញ្ញាតជាមុនពីក្រសួងសេដ្ឋកិច្ច និង ហិរញ្ញវត្ថុ ។ រីឯកិច្ចសន្យា ដែលពាក់ព័ន្ធនឹងការជួលបុគ្គលិក ត្រូវមានការអនុញ្ញាតជាមុន ពីរដ្ឋលេខាធិការដ្ឋានមុខងារសាធារណៈ។
🔆​ ប៉ុន្តែក្នុងករណីទាំងពីរខាងលើ ទាំងការចំណាយថវិការដ្ឋ ទាំងការជួលបុគ្គលិក ត្រូវអនុវត្តឲ្យបានត្រឹមត្រូវតាមគោលការណ៍រាជរដ្ឋាភិបាល​ និង បទបញ្ញត្តិ របស់ក្រសួងសេដ្ឋកិច្ច និង ហិរញ្ញវត្ថុ និង រដ្ឋលេខាធិការដ្ឋានមុខងារសាធារណៈ។

អ្វីទៅជាកិច្ចសន្យា?
○ កិច្ចសន្យា គឺជា ការព្រមព្រៀងគ្នារវាង ២ ភាគី ឬ ច្រើន ដែលកើតចេញពីឆន្ទៈ ដើម្បីរំលត់កាតព្វកិច្ចអ្វីមួយ។ តាមធម្មតា កិច្ចសន្យាត្រូវធ្វើឡើងជាលាយលក្ខណ៍អក្សរ។ ប៉ុន្តែ ចំពោះកិច្ចការ ដែលពុំមានសារៈសំខាន់ កិច្ចសន្យាត្រូវធ្វើឡើងដោយមាត់ទទេក៏បាន។

អ្វីទៅជាខ្លឹមសារ?
○ ខ្លឹមសារ គឺក្នុងការសរសេរខ្លឹមសារនៃសេចក្តីប្រកាស ឬ សេចក្តីជូនដំណឹង ត្រូវប្រើឃ្លាខ្លីៗ ច្បាស់លាស់។ ជួនកាលគេត្រូវបង្ហាញហេតុផល ជួនកាលគេពុំចាំបាច់បង្ហាញអំពីហេតុផល ឬ ការពន្យល់ក្បោះក្បាយទេ។
💥ឧទាហរណ៍៖ សមាគមគ្រឹះស្ថានឧត្តមសិក្សារកម្ពុជា មានកិត្តិយស សូមជូនដំណឹងដល់..............។

អ្វីទៅជាចំណងជើង?
○ ចំណងជើង គឺ គេសរសេរចំណងជើងជាតួអក្សរធំៗបន្តិច នៅចំកណ្តាលទំព័រ ៤-៥ ចន្លោះបន្ទាត់ ក្រោមបាវចនា។
💥ឧទាហរណ៍៖ ចំណែកដើម
                                                                         
ព្រះរាជាណាចក្រកម្ពុជា

                      ជាតិ សាសនា ព្រះមហាក្សត្រ

សាកលវិទ្យាល័យ.....

លេខៈ.............                                             ​​​                                                 
រាជធានីភ្នំពេញ

ថ្ងៃទី....ខែ.......ឆ្នាំ ២០....
                                                                               សេចក្តីប្រកាស
                                                                               ស្តីពី
                                                           ការ.......................................................

តើក្បាលលិខិតមានអ្វីខ្លះ?
○ ក្បាលលិខិត មានដូចជា៖
· ឈ្មោះហៅជាផ្លូវការនៃប្រទេស
· បាវចនា
· និមិត្តសញ្ញាស្ថាប័ន ឬ អង្គភាព
· ប្រភព លេខលិខិត និង អក្សរកាត់លិខិត
· ទីកន្លែង និង កាលបរិច្ឆេទ

តើចំណែកដើមនៃសេចក្តីប្រកាស ឬ សេចក្តីជូនដំណឹងមានអ្វីខ្លះ?
○ ចំណែកដើមនៃសេចក្តីប្រកាស ឬ សេចក្តីជូនដំណឹងមានដូចជា៖ ក្បាលលិខិត និង ចំណងជើង។

តើទំរង់នៃសេចក្តីប្រកាស ឬ សេចក្តីជូនដំណឹងមានប៉ុន្មានផ្នែក?
○ ទំរង់នៃសេចក្តីប្រកាស ឬ សេចក្តីជូនដំណឹងមាន ៣ ផ្នែក គឺ៖
· ចំណែកដើម
· ខ្លឹមសារ
· រូបមន្តបញ្ចប់

តើជំហ៊ានក្នុងការតាក់តែងសេចក្តីជូនដំណឹង ឬ សេចក្តីប្រកាស មានអ្វីខ្លះ?
○ ជំហ៊ានក្នុងការតាក់តែងសេចក្តីជូនដំណឹង ឬ សេចក្តីប្រកាស មានដូចជា៖
ក. ការផ្តើមគំនិត
• អង្គភាពជំនាញ ជាអ្នកផ្តើមគំនិតធ្វើសេចក្តីប្រកាស ឬ សេចក្តីជូនដំណឹង។ ជួនកាលគំនិតផ្តើមនេះ អាចចេញមកពីថ្នាក់លើ។
• នៅពេលគេដឹងថា ប្រុងនឹងមានហេតុការណ៍អ្វីកើតឡើង គេធ្វើសេចក្តីប្រកាស ឬ សេចក្តីជូនដំណឹងឲ្យសាធារណៈជន ដែលមានការពាក់ព័ន្ធបានជ្រាប។
◈ ឧទាហរណ៍៖ សេចក្តីប្រកាសស្តីពីការប្រឡងជ្រើសរើសនិស្សិតចូលរៀន នៅតាមគ្រឹះស្ថានឧត្តមសិក្សារដ្ឋ សេចក្តីប្រកាសពីការដេញថ្លៃ...។ សេចក្តីជូនដំណឹងស្តីពីការប្រឡងសិស្សមធ្យមសិក្សាទុតិយភូមិ....។

ខ.​ ក្រោយពេលដែលសេចក្តីប្រកាស ឬ សេចក្តីជូនដំណឹងត្រូវបានបោះត្រា​ ចុះលេខ និង កាលបរិច្ឆេទរួចហើយ គេត្រូវផ្សព្វផ្សាយ។ គេអាចប្រើវិធីផ្សព្វផ្សាយដូចខាងក្រោម៖
• ចំពោះសេចក្តីប្រកាស ឬ សេចក្តីជូនដំណឹងដែលសំខាន់​ គេផ្សាយតាមវិទ្យុ ទូរទស្សន៍ និង ចុះលើទំព័រកាសែត។ គេធ្វើដីកាអម ដើម្បីបញ្ជូនសេចក្តីប្រកាស ឬ សេចក្តីជូនដំណឹងទៅកន្លែងផ្សព្វផ្សាយដើម្បីជ្រាប ឬ ដើម្បីផ្សព្វផ្សាយ។
• សេចក្តីប្រកាស ឬ សេចក្តីជូនដំណឹងខ្លះ ត្រូវបានគេបិទផ្សាយនៅតាមក្រសួង ស្ថាប័ននានា ដែលជាអ្នកធ្វើប្រកាស ឬ សេចក្តីជូនដំណឹង។

អ្វីទៅជាសេចក្តីប្រកាស ឬ សេចក្តីជូនដំណឹង?
○ សេចក្តីប្រកាស ឬ សេចក្តីជូនដំណឹង ជា ឯកសារដែលចេញដោយអង្គភាព ឬ ស្ថាប័ន សម្រាប់ផ្តល់ព័ត៌មានដល់សាធារណៈជន អំពីកិច្ចការអ្វីមួយឲ្យសាធារណៈជនដែល​មានការពាក់ព័ន្ធ បានជ្រាប។

តើលិខិតជូនព័ត៌មានមានគំរូទម្រង់ដូចម្តេច?
○ លិខិតជូនព័ត៌មាន មានគំរូទម្រង់ ដូចជា​៖                                                                                                                     ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

Logo

សមាគម.................

លេខៈ...................                                                                                         
រាជធានីភ្នំពេញ ថ្ងៃទី....ខែ.......ឆ្នាំ ២០....
                                                                        គោរពជូនឯកឧត្តម លោកជំទាវ លោក លោកស្រី ជាសាកលវិទ្យាធិការ​ នាយកនៃសាកលវិទ្យាល័យ និងវិទ្យាស្ថាន​ និង ជាសមាជិកក្រុមប្រឹក្សាភិបាលសមាជិកសកម្មនៃសមាគមគ្រឹះស្ថានឧត្តមសិក្សាកម្ពុជា

កម្មវត្ថុ៖ កាលបរិច្ឆេទ ដំណើរការបើកវគ្គបណ្តុះបណ្តាលបណ្ណារក្ស ជូនសមាជិកសមាគមន៍​។

              សេចក្តីដូចមានចែងក្នុងកម្មវត្ថុខាងលើ សមាគមគ្រឹះស្ថានឧត្តមសិក្សាកម្ពុជា មានកិត្តិយសសូមជម្រាបឯកឧត្តម លោកជំទាវ លោក លោកស្រី​ មេត្តាជ្រាបថា៖ ការបើកវគ្គបណ្តុះបណ្តាលបណ្ណារក្សជូនសមាជិកសមាគមន៍​ និង ប្រព្រឹត្តទៅនៅថ្ងៃទី.....ខែ.....ឆ្នាំ...... ខាងមុខនេះ។

            អាស្រ័យដូចបានជម្រាបជូនខាងលើ សូម ឯកឧត្តម លោកជំទាវ លោក លោកស្រី មេត្តាជ្រាបតាមការគួរ។

            សូម ឯកឧត្តម លោកជំទាវ លោក លោកស្រី​ ទទួលនូវការរាប់អានដ៏ជ្រាលជ្រៅ អំពីខ្ញុំ។

ប្រធានសមាគមគ្រឹះស្ថានឧត្តមសិក្សាកម្ពុជា

ហត្ថលេខា

                                                                                                                                        ត្រា
ឈ្មោះ                                                                                                                                                                                                                                                            ព្រះរាជាណាចក្រកម្ពុជា
  ជាតិ សាសនា ព្រះមហាក្សត្រ

Logo

ទីស្តីការគណៈរដ្ឋមន្ត្រី

លេខៈ............សជណ                           

រាជធានីភ្នំពេញ ថ្ងៃទី....ខែ.......ឆ្នាំ ២០....

         ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
                                                                                    ជម្រាបជូនឯកឧត្តម ទេសរដ្ឋមន្រ្តី រដ្ឋមន្រ្តីក្រសួងអប់រំ យុវជន និង កីឡា

កម្មវត្ថុ៖ ករណីសំណើសុំគោលការណ៍ចំណាយថវិកា លើប្រាក់ហោប៉ៅពន្ធព្រលានយន្តហោះ និង វត្ថុអនុស្សវរីយ៍ជូនប្រតិភូយុវជនចំនួន ១០០ រូប។

យោង៖ - លិខិតលេខ.......ចុះថ្ងៃទី.....ខែ.....ឆ្នាំ....... របស់ក្រសួងអប់រំ យុវជន និង កីឡា

          - ចំណារឯកឧត្តមឧបនាយករដ្ឋមន្រ្តី..........ចុះថ្ងៃទី.....ខែ.......ឆ្នាំ..........

សេចក្តីដូចបានជម្រាបជូនក្នុងកម្មវត្ថុ និង យោងខាងលើ​ ខ្ញុំសូមជម្រាបឯកឧត្តមមេត្តាជ្រាបថា​៖ រាជរដ្ឋាភិបាល ឯកភាព អនុញ្ញាតគោលការណ៍ ចំណាយថវិកាលលើប្រាក់ហោប៉ៅពន្ធព្រលាន និង វត្ថុអនុស្សាវរីយ៍ជូនយុវជន ១០០ រូប ដើម្បីទៅចូលរួមទស្សនាកិច្ចសិក្សា ក្នុងកម្មវិធីទំនាក់ទំនងរវាងសិស្ស និង យុវជនជប៉ុន ដែលនឹងប្រព្រឹត្តទៅនៅទីក្រុងតូក្យូប្រទេសជប៉ុន មានពីរវគ្គ៖

            - វគ្គទី ១៖ ប្រតិភូយុវជនចំនួន ៣០នាក់​ ចាប់ពីថ្ងៃទី....ដល់ថ្ងៃទី....ខែ....ឆ្នាំ.....

            - វគ្គទី ២៖ ប្រតិភូយុវជនចំនួន ៧០នាក់ ចាប់ពីថ្ងៃទី....ដល់ថ្ងៃទី....ខែ....ឆ្នាំ..... តាមសំណើ។

            អាស្រ័យហេតុនេះ​ សូមឯកឧត្តម មេត្តាជ្រាប និង ទទួលអនុវត្តតាមការគួរ។
                                                                                   ជ.ឧបនាយករដ្ឋមន្ត្រី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
                                                                                                        រដ្ឋលេខាធិការ 

ចម្លងជូន

- ក្រសួងការបរទេស និង សហប្រតិបត្តិការអន្តរជាតិ

- ក្រសួងសេដ្ឋកិច្ច​ និង ហិរញ្ញវត្ថុ

- ខុទ្ទកាល័យ សម្តេចអគ្គមហាសេនាបតីតេជោ នាយករដ្ឋមន្ត្រី

- ខុទ្ទកាល័យ ឯកឧត្តមឧបនាយករដ្ឋមន្រ្តី​ ស ខេង

- ឯកសារ-កាលប្បវត្តិ

តើលិខិតស្នើសុំយោបល់មានគំរូទម្រង់ដូចម្តេច?
○ លិខិតស្នើសុំយោបល់ មានគំរូទម្រង់ ដូចជា៖           
                                                                        
                             ព្រះរាជាណាចក្រកម្ពុជា      
                        ជាតិ សាសនា ព្រះមហាក្សត្រ

Logo

ក្រសួង.................

លេខៈ..................

រាជធានីភ្នំពេញ ថ្ងៃទី....ខែ.......ឆ្នាំ ២០....

ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ 
                                                                            សូមគោរពជូន សម្តេច..................................

កម្មវត្ថុ៖ សំណើសុំគោលការណ៍តែងតាំងឋានន្តរស័ក្តិថ្នាក់.....ជូនលោក.......អត្តលេខ....ជា....។

យោង៖ ...................................................................................................................។

            សេចក្តីដូចមានចែងក្នុងកម្មវត្ថុ និង យោងខាងលើ ឬ តាមកម្មវត្ថុខាងលើ ឬ សេចក្តីដូចបានជម្រាបជូនក្នុងកម្មវត្ថុខាងលើ ក្រសួងមហាផ្ទៃ មានកិត្តិយស សូមគោរពរាយការណ៍ជូន សម្តេចនាយករដ្ឋមន្រ្តីនៃព្រះរាជាណាចក្រកម្ពុជា មេត្តាជ្រាបថា៖ ដោយពិនិត្យទៅលើ សំណូមពរចាំបាច់នៃការងារ និង ពិនិត្យលក្ខណៈសម្បត្តិ សមត្ថភាពបំពេញការងារកន្លងមករបស់នាយនគរបាលជាតិ ក្នុងការបញ្ជាដឹកនាំកិច្ចប្រតិបត្តិការ​ រក្សាសន្តិសុខ​ សណ្តាប់ធ្នាប់សាធារណៈ សុវត្ថិភាព ស្ថេរភាពសង្គមក្នុងបុព្វហេតុបំរើជាតិមាតុភូមិ។ ក្រសួងមហាផ្ទៃ ស្នើសុំគោលការណ៍ សម្តេចនាយករដ្ឋមន្រ្តីនៃព្រះរាជាណាចក្រកម្ពុជា មេត្តាតែងតាំងឋានន្តរស័ក្តិថ្នាក់....... ជូនលោក...... អត្តលេខ...... ជា..........។

            អាស្រ័យដូចបានជម្រាបជូនខាងលើ សូមសម្តេចនាយករដ្ឋមន្ត្រី នៃព្រះរាជាណាចក្រកម្ពុជា មេត្តាពិនិត្យ និង សម្រេចដ៏ខ្ពង់ខ្ពស់។

            សូមសម្តេចនាយករដ្ឋមន្ត្រីនៃព្រះរាជាណាចក្រកម្ពុជា​ មេត្តាទទួលនូវសេចក្តីគោរពដ៏ខ្ពង់ខ្ពស់អំពីខ្ញុំ។                       

ហត្ថលេខា
                                                                 
                                                                  ត្រា

ឈ្មោះ