តើគេចាត់ថ្នាក់ផលិតផលជាប៉ុន្មាន?
○ គេចាត់ថ្នាក់ផលិតផលជា ២ គឺ៖
· ផលិតផលប្រើប្រាស់
· ផលិតផលឧស្សាហកម្ម

អី្វទៅជាសមាសធាតុនៃផលិតផល? រួមផ្សំឡើងដោយអ្វីខ្លះ?
○ សមាសធាតុនៃផលិតផល គឺជា បង្តុំដ៏សំខាន់ក្នុងការបង្កើត​ និង ធ្វើឲ្យមានភាពប្រសើរ ដើម្បីឆ្លើយតបទៅនឹងតម្រូវការទីផ្សាគោលដៅ។ សមាសធាតុនៃផលិតផលរួមផ្សំឡើងដោយ៖
· លក្ខលៈពិសេសនៃផលិតផល
· ​ការវេចខ្ចប
· ជម្រើសមុខងារផ្សេងៗ
· ការធានា
· សេវាផ្សារភ្ជាប់ជាមួយ
· ផ្លាកសញ្ញា

តើអ្វីដែលហៅថាផលិតផល?
○ ដែលហៅថាផលិតផល គឺជា អ្វីសព្វគ្រប់បែបយ៉ាងដែលអាចផ្តល់ទៅលើទីផ្សារ ដោយអង្គភាពអាជីវកម្ម ដើម្បីបំពេញ​តម្រូវការ និង ចំណង់ចំណូលចិត្តអតិថិជន។

អ្វីទៅជា Marketing Mix? ចែកចេញប៉ុន្មាន? មានអ្វីខ្លះ?
○ Marketing Mix គឺ អថេរទាំងបួនដែលអាចត្រួតពិនិត្យបាន​ ហើយត្រូវបានក្រុមហ៊ុនដាក់ចំរុះវាជាមួយគ្នា ដើម្បីឆ្លើយតបចំពោះតម្រូវការរបស់អតិថិជនគោលដៅ។ Marketing Mix ចែកចេញជា ៤ គឺ៖
ក. Product ផលិតផលមានដូចជា៖
· គុណសម្បត្តិ ម៉ូតូ ទំហំ                           
· ទ្រងទ្រាយ ផ្លាក់យីហោ ការបម្រើ                       
· ការជ្រើសរើស ការវេចខ្ចប់ ការធានា                       

ខ. Place ទីកន្លែង
· ច្រកចេញចូល
· ដឹកជញ្ជួន
· កន្លែងគោលដៅ
· បញ្ជីសារពើព័ន្ធ

គ. Price តម្លៃ
· ការប្រកាស
· លក់ផ្ទាល់ខ្លួន
· លក់ថោក

ឃ. Promotion ទាក់​ទាញ​
· រាយបញ្ជីតម្លៃ
· បញ្ចុះតម្លៃ
· ការ​ចុះថ្លៃ​                                                    
· ការសងប្រាក់
· ទិញជំពាក់បាន

តើអ្វីទៅជាយុទ្ធសាស្រ្ត Marketing?
○ យុទ្ធសាស្រ្ត Marketing គឺជា ការរៀបចំ ចំពោះទីផ្សារគោលដៅ។ ជាអ្វីដែល Marketing ត្រូវធ្វើនៅក្នុងទីផ្សារណានោះ។ Target Market ភាពប្រហាក់ប្រហែលគ្នានៃក្រុមអតិថិជន ដែលក្រុមហ៊ុនឆ្ពោះទៅរក។ ចាំបាច់ណាស់ចំពោះអ្នក Marketing គឺ ត្រូវវិភាគនូវសក្តានុពលទីផ្សារគោលដៅរបស់គេ ដោយប្រុងប្រយ័ត្នបំផុត។

តើការអភិវឌ្ឍន៍របស់ម៉ាឃីតធីងមានប៉ុន្មានដំណាក់កាល? អ្វីខ្លះ?
○ ការអភិវឌ្ឍន៍របស់ម៉ាឃីតធីង មាន​បីដំណាក់កាល ដូចជា៖
ក- ដំណាក់កាលនៃការបែរឆ្ពោះទៅរកការផលិត
• គឺយកចិត្តទុកដាក់តែទៅលើការបង្កើត ផលិតផលដោយសន្មត់ថា​ អតិថិជននឹងស្វែងរកទំនិញនៅកម្រិតតម្លៃសមស្របមួយ។
• ការស្វែងរកអតិថិជន ត្រូវបានចាត់ទុកថាជាការងារតូចតាច (តម្រូវការទិញលើការផ្គត់ផ្គង់​)។
• ប្រធានផ្នែកប្រតិបត្តិការក្នុងផ្នែកផលិត និង វិស្វកម្មជាអ្នកកំណត់យុទ្ធសាស្ត្ររបស់ក្រុមហ៊ុន។

ខ- ដំណាក់កាលបែរឆ្ពោះទៅរកការលក់
• បញ្ហានៅត្រង់ថា​ តើត្រូវលក់ផលិតផលយ៉ាងដូចម្តេច។
• ផលិតបានផលិតផលល្អ មិនទាន់ធានាអាចមានជ័យជំនះនោះទេ។
• ការលក់ផលិតផលក្នុងបរិយាកាសដែលអតិថិជន គឺទាមទាឲ្យក្រុមហ៊ុនធ្វើការផ្សព្វផ្សាយលក់ទំនិញ។

គ- ដំណាកកាលនៃការបែរឆ្ពោះទៅរក Marketing
• ត្រូវកំណត់នូវអ្វីដែលអតិថិជនត្រូវការ ហើយផ្សាភ្ជាប់គ្រប់សកម្មភាពទាំងអស់របស់ក្រុមហ៊ុន ដើម្បីបំពេញតម្រូវការនោះឲ្យទទូលបានប្រសិទ្ធភាព។
• ក្រុមហ៊ុនត្រូវយកចិត្តទុកដាក់គ្រប់មុខងារ Marketing ជាជាងយកចិត្តទុកដាក់ តែទៅលើការលក់មួយមុខ។
• ការងារដែលពីមុនៗមកបែងចែកឱ្យដាច់គ្នា តាមផ្នែកផ្សេងៗនៅក្នុងក្រុមហ៊ុននោះ ត្រូវរៀបចំដាក់ឲ្យស្ថិតនៅពីក្រោមការសម្រប់សម្រួលរបស់ផ្នែក Marketing។

តើទស្សនាទាន Marketing គឺជាអ្វី?
○ ទស្សនាទាន Marketing គឺជា យុទ្ធសាស្ត្រមួយដែលអាចធ្វើឲ្យអង្គភាពអាជីវកម្មទាំងឡាយ បានរីកចម្រើនទាំងការលក់ ទាំងចំណែកទីផ្សារ ទាំងប្រាក់ចំណេញ រួមទាំងអាចពង្រីកក្រុមហ៊ុនឲ្យឈរជើងរឹងមាំបានថែមទៀតផង។ ធ្វើយ៉ាងណាឲ្យសម្រេចបាននូវបាននៅទីផ្សារគោលដៅរបស់អង្គភាព។ អង្គភាពជាទិសដៅចម្បងនៃទស្សនាទាន​ Marketing។ ពុំមែនមានតែផលិតផលតែមួយមុខប៉ុណ្ណោះទេ ដែលត្រូវអភិវឌ្ឍន៍ឲ្យដល់កម្រិតនៃតម្រូវការនោះ។ តួយ៉ាងមានការចូលរួមចំណែកយ៉ាងខ្លាំង ពីធាតុទាំងបីទៀត​របស់ Marketing Mix និង ត្រូវរៀបចំផែនការឲ្យបានត្រឹមត្រូវ ដើម្បីឲ្យធាតុទាំងបួននោះស្របគ្នាជានិច្ច។​ ទស្សនាទាន Marketing សង្កត់ធ្ងន់ទៅលើក្រុមហ៊ុនអាជីវកម្ម ដែលអាចឲ្យក្រុមហ៊ុននោះជួបប្រទះតែគោលដៅល្អប្រសើរបំផុត ក្នុងការបំរើចំពោះតម្រូវការអតិថិជន។

តើមុខងារម៉ាឃីតធីងចែកចេញជាអ្វីខ្លះ?
○ មុខងារម៉ាឃីតធីងចែកចេញជា​ច្រើនយ៉ាង​ ដូចជា៖
• ការស្រាវជ្រាវអ្នកទិញ និង អ្នកលក់។
• ការស្រាវជ្រាវពីផលិតផល និង តម្រូវការរបស់អតិថិជន។
• ប្រមូលព័ត៌មានអំពីអ្នកលក់ និង អ្នកទិញផលិតផលដែលអាចរកបាន និង បង្កឲ្យ​មានភាពជឿជាក់ដល់អ្នកទិញ។
• Marketing មានមុខងារសម្របសម្រួលសង្វាក់សេវាកម្ម ឬ ទំនិញ និង ទាក់ទាញទឹកចិត្តអតិថិជនឲ្យធ្វើការសម្រេចចិត្តឆាប់ៗ ព្រមទាំងមានតម្រូវការខ្ពស់។
• ជាអ្នកដោះស្រាយរាល់បញ្ហាទាំងឡាយ ដែលជួបប្រទះដោយចៃដន្យក្នុងអាជីវកម្ម។
• ជួយសម្រួលក្នុងការដឹកជញ្ជួន និង​ ស្តុកទំនិញ។
• ជួយសម្របសម្រួលផ្នែកឥណ្ឌទាន ដល់ម្ចាស់អាជីវកម្មនិង​ សហការី (ដូចជា ក្នុងការប្រគល់លុយ និង ទំនិញជាដើម។ល។)។
• មានមុងងារជាអ្នកពង្រីកផ្នែកទីផ្សារ និង ទីផ្សារគោលដៅ។
• មានមុខងារកាត់បន្ថយឥទ្ធិពល ប្រកួតប្រជែងរបស់គូប្រកួត។
• ការទទួលយកនៅភាពគ្រោះថ្នាក់ ទទួលយកនៅកំហាតបង់សម្រាប់ផលិតផលដែលគេ​មិនត្រូវការ ឬ ចំណាយក្នុងការរក្សាទំនិញ រហូតដល់មានតម្រូវការជាថ្មី។

តើចំពោះការបង្កើតប្រយោជន៍មានអ្វីខ្លះ?
○ ចំពោះការបង្កើតប្រយោជន៍ មានដូចជា៖
• ផលប្រយោជន៍ទម្រង់ គឺជា ការរៀបចំផលិតផលជាទម្រង់អាចប្រើប្រាស់បាន ក្នុងទំនាក់ទំនង់ទៅនឹងតម្រូវការរបស់មនុស្សណាមួយ។
• ផលប្រយោជន៍នៃពេលវេលា ទីកន្លែង និង ព័ត៌មាន ផលប្រយោជន៍ ត្រូវបានបង្កើតដោយការផ្តល់ព័ត៌មានដល់អតិថិជន អំពីផលិតផល បើពុំនោះសោតទេអតិថិជនគេប្រាកដជានឹងមិនដឹងថាតើមានផលប្រយោជនន៍អ្វីហើយទីកន្លែងណាគេអាចទិញវាបាន។
• ផលប្រយោជន៍នៃកម្មសិទ្ធិ វាត្រូវបានបង្កើតនៅពេលដែលអតិថិជនទិញផលិតផល នាពេលភាពជាម្ចាស់ត្រូវបានផ្តេរទៅឲ្យអ្នកទិញ។

តើការបណ្តាក់ទុនធម្មតាមានតម្លៃប៉ុន្មានដែរ?
○ ទំហំនៃការវិនិយោគ អាចផ្លាស់ប្តូរដោយផ្អែកទៅលើដំណាក់កាលនៃជីវិតវិស័យ​ក្រុមហ៊ុន និង តម្រូវការ វិនិយោគទុនរបស់ក្រុមការងារសហគ្រិន។ ជាធម្មតាវាអាចនៅចន្លោះពី ២៥,០០០ ទៅ ៥០០,០០០ ដុល្លារ តែវាអាចផ្លាស់ប្តូរក្នុងករណីពិសេសផងដែរ។

អ្វីទៅជាម៉ាឃីតធីង?
○ ម៉ាឃីតធីង គឺជាសកម្មភាពទាំងឡាយដែលស្តែងឡើងដោយបុគ្គល អង្គភាព អាជីវកម្ម  អង្គភាពមិនសំដៅរកប្រាក់ចំណេញ ដើម្បីបំពេញតម្រូវការ និង ចំណងចំណូលចិត្ត ឆ្លងកាត់ការដោះដូរ។