ដើម្បីការពារអត្តសញ្ញាណជាតិខ្មែរ តើយើងម្នាក់ៗមានវិធានការបែបណាខ្លះ?
○ ដើម្បីការពារអត្តសញ្ញាណជាតិខ្មែរ យើងម្នាក់ៗមានវិធានការ ដូចតទៅ៖
• ពង្រឹង និង ពង្រីកវប្បធម៌របស់ខ្លួនឱ្យបានរឹងមាំតាមរយៈការផ្សព្វផ្សាយ (ការសែត ទស្សនាវដ្តី វិទ្យុ ទូរទស្សន៍...)។
• ត្រូវចេះរាំងស្កាត់នូវរប្បធម៌បរទេសដែលជឿនលឿននិង ចេះកែច្នៃលក្ខណៈបរទេសឱ្យមកជាខ្មែរវិញ។
• ធ្វើការសិក្សា និង ការពារនូវវប្បធម៌របស់ខ្លួនឱ្យខ្ជាប់ខ្ជួនក្នុងនោះ រួមមាន (ភាសា អក្សរសាស្ត្រ អក្សរសិល្ប៍ សិល្បៈ ប្រពៃណី ទំនៀមទំលាប់...)។
• ខិតខំពង្រីកចំណេះដឹងផ្ទាល់ ផ្នែកវិទ្យាសាស្ត្រ បច្ចេកទេស ឱ្យបានទូលំទូលាយ។
• រក្សាការពារទឹកដី បូរណភាពព្រំដែន និង តម្លៃពូជសាសន៍របស់ខ្លួនឱ្យគង់វង្ស និង ប្រកបដោយឧត្តមភាព។
• រក្សាឱ្យបានជាប្រចាំនូវសាមគ្គីភាព និង ឯកភាពជាតិ បំបាត់ចោលនូវ “ទស្សនៈអត្មានិយម បក្សពួកនិយម និង គ្រួសារនិយម”។

តើការប៉ះទង្គិចរវាង #អរិយធម៌ខ្មែរ និង #រប្បធម៌បរទេស បានផ្តល់ផលវិបាកអ្វីខ្លះ ដល់អរិយធម៌ខ្មែរ? ចូរពន្យល់?
ការប៉ះទង្គិចគ្នាមានផលពីរយ៉ាងគឺ៖
ក. ផលល្អ
ធ្វើអោយមានការរីកចំរើន ពេលណាដែលខ្មែរយើងចេះច្នៃប្រឌិត អោយស្របតាមចំណង់ចំណូលចិត្ត នឹងព្រលឹងរបស់ខ្មែរ។
ខ. ផលអាក្រក់
ធ្វើអោយអរិយធម៍ខ្មែរធ្លាក់ចុះ កាលណាយើងមិនស្គាល់ខ្លួនយើងច្បាស់ ឬយើងយកអរិយធម៌របស់គេមកទាំងស្រុង ដោយគ្មានការកែសំរួល អោយមានលក្ខណៈខ្មែរ។