ចូរប្រៀបធៀបព្រៃលិចទឹក និង ព្រៃតំបន់ខ្ពស់។
◈ ការ​ប្រៀបធៀបព្រៃលិចទឹក និង ព្រៃតំបន់ខ្ពស់៖
ក. ព្រៃលិចទឹក
· ជាព្រៃដែលមាននៅតាមមាត់បឹង ឬ សមុទ្រនៅជុំវិញបឹងទន្លេសាប ទំនាបទាបៗក្នុងខេត្តកោះកុង មានដើមកោកាង ដើមចាក ដើមតាអោន ដើមស្មាច់ ជាដើម ពុំមានដើមឈើធំៗទេ។ ព្រៃទាំងនេះ ជាជំរកត្រីយ៉ាងសំខាន់។
ខ. ព្រៃតំបន់ខ្ពស់មាន
· ព្រៃរបោះដែលមានដើមឈើធំៗ ដុះមិនសូវញឹក ហើយមានស្មៅ និង ស្បូវដុះពីក្រោម មានច្រើននៅខ្ពង់រាបខាងជើង និង ខ្ពង់រាបមណ្ឌលគីរី។
· ព្រៃស្តុក មានដើមឈើធំៗ ដុះប្រជ្រៀតគ្នាយ៉ាងញឹក ហើយមានបណ្ណង្គជាតិ រពាក់ ផ្តៅ វល្លិ៍នៅពីក្រោម។ ព្រៃនេះ សំបូរមាននៅតាមជួរភ្នំក្រវាញ ជួរភ្នំដងរែក និង ខ្ពង់រាបរតនគីរី។