តើតំណាងរាស្ត្រមានអភ័យឯកសិទ្ធិយ៉ាងដូចម្តេច? ការចាប់ខ្លួន ឃុំខ្លួន ឃាត់ខ្លួន តំណាងរាស្ត្របាន ក្នុងករណីអ្វី?
○ តំណាងរាស្រ្តមានអភ័យឯកសិទ្ធិសភា មិនអាចត្រូវបានចោទប្រកាន់ ចាប់ខ្លួន ឃុំខ្លួន ឃាត់ខ្លួន ដោយការសំដែងមតិយោបល់ ក្នុងការបំពេញមុខងាររបស់ខ្លួនទេ។ ករណីនេះ អាចធ្វើទៅបានលុះត្រាតែមានការយល់ព្រមពីរដ្ឋសភា ឬ គណៈកម្មាធិការអចិន្ត្រៃយ៍រដ្ឋសភានៅចន្លោះសម័យប្រជុំ លើកលែងតែក្នុងករណីបទល្មើសព្រហ្មទណ្ឌជាក់ស្តែង ហើយក្រសួងមាន សមត្ថកិច្ច ត្រូវរាយការណ៍ជូនរដ្ឋសភាសម្រេចជាបន្ទាន់។
📍​គណៈកម្មាធិការអចិន្ត្រៃយ៍ ត្រូវដាក់ជូនសម័យប្រជុំរដ្ឋសភាខាងមុខ អនុម័តតាមមតិភាគច្រើន ២/៣ នៃសមាជិករដ្ឋសភាទាំងអស់។ ក្នុងករណីទាំងអស់ខាងលើនេះត្រូវផ្អាក ប្រសិនបើមានមតិភាគច្រើន ៣/៤ ឲ្យផ្អាក។