ដើម្បីឱ្យយុវជនកម្ពុជាដណ្ដើមបានការងារធ្វើតាមកម្រិតជំនាញប្រកួតប្រជែងក្នុងតំបន់អាស៊ាន តើក្រសួងគួររៀបចំផែនការយ៉ាងដូចម្តេច?
○ ដើម្បីឱ្យយុវជនកម្ពុជា ដណ្ដើមបានការងារធ្វើតាមកម្រិតជំនាញប្រកួតប្រជែងក្នុងតំបន់អាស៊ាន ក្រសួងបាន៖
• ផ្តោតការយកចិត្តទុកដាក់ លើការសម្របសម្រួលឱ្យស៊ីចង្វាក់គ្នារវាងវិស័យអប់រំ និង វិស័យបណ្តុះបណ្តាលបច្ចេកទេស និង វិជ្ជាជីវៈ។
• រៀបចំក្របខណ្ឌស្តង់ដានៃការអប់រំបណ្តុះបណ្តាលវិជ្ជាជីវៈ ដែលអាចទទួលស្គាល់ ឆ្លងពីគ្រឹះស្ថានបណ្តុះបណ្តាលវិជ្ជាជីវៈ ទៅគ្រឹះស្ថានឧត្តមសិក្សា។
• ពង្រីកបណ្តាលក្ខខណ្ឌអនុគ្រោះឱ្យយុវជន បានទទួលការបណ្តុះបណ្តាលជំនាញរយៈពេលខ្លី ឬ មធ្យមប្រកបដោយសមធម៌តាមគ្រប់រូបភាព ដើម្បីមានលទ្ធភាពបង្កើតមុខរបរដោយខ្លួនឯង ឬ រកការងារនៅតាមស្ថាប័ននានា។