ដើម្បីឱ្យជីវិតរបស់អ្នកមានអនាគតភ្លឺស្វាង និង ថ្លៃថ្នូរ តើអ្នកត្រូវអភិវឌ្ឍន៍​បុគ្គលិកលក្ខណៈ និង តម្លៃដូចម្តេចខ្លះ?
○ ដើម្បី​​ឱ្យជីវិតរបស់អ្នកមានអនាគតភ្លឺស្វាង និង ថ្លៃថ្លា យើងត្រូវអភិវឌ្ឍន៍​បុគ្គលិលក្ខណៈ ដូចជា៖
ក. អភិវឌ្ឍន៍​រាងកាយ
• ថែរក្សាសុខភាព
• ហាត់ប្រាណ កាយសិក្សា អប់រំសុខភាព
• ជម្រើសចំណីអាហារ បំប៉នចំណីអាហារ
• ថែរក្សាបរិស្ថាន មានអនាម័យ
• មិនធ្វើការហួសកម្លាំង បរិភាគអាហារទៀងទាត់ ទាន់ពេលវេលា
• បញ្ចេញពលកម្ម ធ្វើការងារ ជំនះភាពស្ពឹកស្រពន់ ខ្ជិលច្រអូស និង បញ្ចេញជាតិពុលពីក្នុងខ្លួន។

ខ. អភិវឌ្ឍន៍​ស្មារតី
• មានភាពម្ចាស់ការ ចេះស្គាល់ខ្លួនឯងដោយខ្លួនឯង
• ឆន្ទៈមោះមុត មិនទន់ជ្រាយ
• ពង្រឹងស្មារតីក្លាហាន
• ឈ្លាសវៃ ចេះសម្របតាមកាលៈទេសៈ
• មានមនសិការក្នុងការងារ និង មានទំនួលខុសត្រូវ
• មានសីលធម៌រស់នៅល្អ ប្រព្រឹត្តិតែអំពើសុចរិត ប្រកាន់ប្រពៃណីទំនៀមទម្លាប់
• គោរពច្បាប់សង្គម និង ឧត្តមគតិសង្គម

គ. អភិវឌ្ឍន៍​ចំណោះដឹង
• បង្កើនសមត្ថភាព ពង្រីកពុទ្ធិ (ទស្សនាវដ្តី ការសែត ទូរទស្សន៍...)
• ខិតខំរៀនសូត្រ
• សិក្សាស្រាវជ្រាវបន្ថែម ដើម្បីពង្រីកគំនិតទូលំទូលាយ
• ដកស្រង់បទពិសោធន៍ល្អៗ
• ហ្វឹកហ្វាត់អនុវត្តន៍ជារៀងរាលថ្ងៃ (ទ្រឹស្តីផ្សាភា្ជប់នឹងការអនុវត្ត) បណ្តុះបណ្តាលវិជ្ជាជីវៈ ឬ​ បំណិនអាជីព ឬស្រជ្ជ្រាវជាប្រចាំ។
• សិក្សាវិជ្ជាវិទ្យាសាស្ត្របច្ចេកទេស...។