តើវត្តទឹកមានដំណាក់កាលសំខាន់ៗប៉ុន្មាន? អ្វីខ្លះ?
○ វត្តទឹកមានដំណាក់កាលសំខាន់ៗ ៣ គឺ៖
• រំហួត
ដំណើររំហួតនៃទឹក គឺ ទឹករាវប្រែក្លាយទៅជាឧស្ម័ន ​​ហៅថា ចំហាយទឹក។ រុក្ខជាតិ ក៏មានតួនាទីក្នុងដំណើររំហួតនេះផងដែរ​ ព្រោះវាបានទាញយកទឹកពីក្នុងដីតាមរយៈឬស ហើយបញ្ចេញមកវិញតាមរយៈស្លឹកក្នុងទម្រង់ចំហាយទឹក ចូលមណ្ឌលអាកាស។​
• កំណក
ចរន្តខ្យល់ក្តៅ នាំយកចំហាយទឹកស្ទុះឡើងលើដល់រយៈកម្ពស់ខ្ពស់​ ដែលមានសីតុណ្ហភាពត្រជាក់ ក៏ប្តូរទៅជាដំណក់ទឹក ដែលជាកំណក ប្រមូលផ្តុំគ្នាជុំវិញភាគល្អិតនៃធូលីតូចៗ ឬ ផ្សែងដែលមានតួនាទីជាស្នូល ហើយបង្កើតបានជាពពកនៅក្នុងមណ្ឌលអាកាស។
• កំណកអាកាស
នៅពេលដែលចំហាយកទឹក កកជាកំណកកាន់តែច្រើន មាឌដំណក់ទឹកនៅក្បុងពពកក៏កាន់តែរីកធំ ហើយចរន្តខ្យល់បានធ្វើឲ្យពពកផ្លាស់ទី។​ ទីបំផុតកំណកទឹកដែលជាកំណកធ្ងន់ ក៏ធ្លាក់មកលើភពផែនដីវិញ ជាកំណកអាកាស ក្រោមទម្រង់ជាភ្លៀង ព្រិល ភ្លៀងលាយព្រិល ឬ ជាដុំទឹកកក ហើយភាគច្រើនធ្លាក់ចូលទៅក្នុងមហាសមុទ្រ។ កំណកអាកាស ដែលធ្លាក់មកលើដីមួយភាគស្រូបទៅក្នុងដី ក្លាយទៅជាទឹកក្នុងដី ហើយមួយភាគទៀតហូរចូលទៅក្នុងមហាសមុទ្រ។