តើរូបអប្សរាឬអប្សរាមានន័យដូចម្តេច?
○ រូបអប្សរា ឬ អប្សរា ជារូបរបាំនៃទេពអប្សរា ដែលមានប្រភពយកតាមគំរូនៃរបាំតន្រ្តី ដែលជារបាំព្រះរាជទ្រព្យរបស់ព្រះរាជា មានតាំងពីយូរយារណាស់មកហើយដោយពុំទទួលឥទ្ធិពលពីបរទេស។ របាំតន្ត្រីនេះ ជា របាំដែលមានតម្លៃ ឬ ជារបាំមង្គលសម្រាប់លេងក្នុងពិធីបួងសួងថ្វាយអាទិទេព ឬ ថ្វាយដល់វិញ្ញាណក្ខន្ធព្រះរាជានានា ដែលបាន​ចូល​ទីវង្គត់ទៅហើយ។ ដោយសារ:សំខាន់​ និង តម្លៃនៃរបាំនេះ ដែលមាននៅរហូតដល់សព្វថ្ងៃនេះ។
◈​ រូបអប្សរា តំណាងនូវរបាំតន្ត្រីរបស់ព្រះរាជានេះហើយ ដែលគេតែងយល់ថា រូបអប្សរា មានអន្តន័យតំណាងសិល្បះខ្មែរ។​ ឆ្លុះបញ្ចាំងតាមរយះរូបអប្សរា គេអាច​យល់ពីគំនិតរបស់ជ​នជាតិខ្មែរ ថាជា ជនជាតិមួយមានលក្ខណះច្នៃប្រឌិត ទន់ភ្លន់ សុភាពរាបសារ និង ស្រឡាញ់សន្តិភាពបំផុត។