តើសិស្សមានតួនាទី គោរពប្រតិបត្តិគ្រូ ឬ សាស្រ្ដចារ្យប៉ុន្មានយ៉ាង? ដូចម្ដេចខ្លះទៅ?
○ សិស្សមានតួនាទីគោរពប្រតិបត្តិគ្រូ ឬ សាស្រ្ដចារ្យ ដូចតទៅ៖
• ឧដ្ឋានេន៖ សិស្សត្រូវក្រោកឈរទទួលក្នុងវេលាគ្រូបាអាចារ្យដើរមក លុះដល់គ្រូធ្វើដំណើរត្រឡប់ទៅវិញត្រូវជូនដំណើរឲ្យផុតរបងផ្ទះ ទើបគួរហើយចាំត្រឡប់មកវិញ។
• ឧបដ្ឋានេន៖ សិស្សត្រូវចូលទៅបម្រើលោក បានដល់ការរៀបចំគ្រឿងចង្ហាន់ ទឹកក្ដៅ ទឹកត្រជាក់ ប្រសិនបើមានការរវល់ មិនត្រូវព្រងើយកន្ដើយគេចវេស ដោះដៃឡើយ។
• សុស្សសោយ៖ សិស្សត្រូវជឿស្ដាប់ឱវាទគ្រូ ឬ សាស្រ្ដចារ្យ បើលោកទូន្មានប្រៀនប្រដៅដោយល្អ ហើយត្រូវត្រិះរិះមើលផង បើឃើញថាល្អ គួរប្រញាប់ប្រតិបត្តិធ្វើតាម។
• បារិចរិយា៖ សិស្សត្រូវឧបដ្ឋាក (បម្រើ) គ្រួ ឬ សាស្រ្ដចារ្យធ្វើវត្តប្រតិបត្តិ ដូចជា សិស្សមានបោសសម្អាត តប់ គក់ ច្របាច់ ជាដើម។
• សក្កច្ចំ សិប្បំបដិគ្គណេន៖ សិស្សត្រូវរៀន សិល្បិ៍​វិជ្ជា ដោយគោរព គឺថាកម្មវិធីដែលគ្រូ ឬ សាស្រ្ដចារ្យដាក់ឲ្យ គប្បីស្វាធ្យាយ ទន្ទេញឲ្យចាំស្ទាត់ តម្កល់ស្មារតីស្ដាប់ពាក្យពន្យល់ ការប្រៀនប្រដៅរបស់គ្រូ ឬ សាស្រ្ដចារ្យដោយគោរព។