ចូរសិក្សាអំពីធម្មជា​តិ នៃសីលតំលៃ។
◈ ធម្មជាតិនៃសីលតំលៃមាន ៤ គឺ៖
• សីលតំលៃ ដែលចេញពីចំណ​ងនៃ​បុគ្គលម្នាក់ៗ គឺជាអន្តោវត្ថុមាន នឹងឆន្ទះមនុស្ស រឺជាតំលៃដែលលេចឡើងដោយឯកឯងក្នុងញាណ ដែលជាទីប្រាថ្នារបស់មនុស្សទូទៅ។ ឧទាហរណ៍ យើងចង់​បានសុខសន្តិភាព សេរីភាព យុត្តិធម៌ ហើយអ្នកដទៃក៏ចង់បានដូចគ្នាទើបយើងសន្និដ្ឋានថា វត្ថុទាំងនោះមានសីលតំលៃ។
• សីលតំលៃ មានពីធម្មជាតិ ដែលមនុស្សមិនអាចជៀសផុត ជាសីលតំលៃដែលបានតំរូវមកលើយើង ដោយអំណា​ចធិបតីមួយ ពីកំនើមានទំរង់ជាកាត​ព្វកិច្ច និង សត្តិនៅក្រៅញាណយើង។ ឧទាហរណ៍ មាតាបិតាបង្កើតកូន និង ចិញ្ចឹមបីបាច់ថែរក្សាកូន។
• សីលតំលៃទាំងឡាយណា ដែលមានគូបដិបក្ខៈ ជាតំលៃពីរ ដែលដៅឆ្ពោះទៅរកទិសដៅពីរផ្ទុយគ្នា ហើយសីលអំពើមួយអាចមានសីលតំលៃមួយតែក៏ជាកំហុសមួយដែរ​។ ឧទាហរណ៍ គ្រាប់បែកបរមាណូ មានតំលៃសំរាប់បញ្ឈប់សង្រ្គាមលោកលើកទីពីរ តែអ្នករងគ្រោះគឺជនជាតិជប៉ុន។ ឯការរកឃើញរូបមន្តអាវុធបរមាណូ អាចវបញ្ឈប់សំទុះប្រើប្រាស់អាវុធនេះ នៅពេលក្រោយបាន។ ព្រោះតំលៃរបស់វានៅត្រង់មនុស្សខ្លាច ពុំហ៊ានយកវាមកប្រើសំរាប់ធ្វើសង្គ្រាម។