ហេតុអ្វីបានជាគេចាត់ទុកក្រពះ និង ពោះវៀនតូចជាក្រពេញអង់ដូគ្រីន?
○ ព្រោះវាជាក្រពេញដែលផលិតអរម៉ូន ហើយបញ្ចេញទៅក្នុងចរន្តឈាមដោយផ្ទាល់៖
• ក្រពះផលិតអរម៉ូនកាស្ទ្រីន
• ពោះវៀនតូចផលិតអរម៉ូនសេក្រទីន

ហេតុអ្វីបានជាគេនិយាយថា លំពែងជាក្រពេញអង់ដូគ្រីនផង និង អ៊ិចសូគ្រិនផង?
○ បានជាគេនិយាយថា លំពែងជាក្រពេញអង់ដូគ្រីនផង និង អ៊ិចសូគ្រីនផងព្រោះ៖
▪︎ ជា #ក្រពេញអង់ដូគ្រីន លំពែងបានបញ្ចេញអរម៉ូន ទៅក្នុងចរន្តឈាមដោយផ្ទាល់ ហើយវាមានអំពើទៅលើមេតាប៉ូលីសគ្លុយកូស។
▪︎ ជា #ក្រពេញអ៊ិចសូគ្រិន លំពែងបានបញ្ចេញរសរំលាយអាហារ នៅក្នុងបំពង់លំពែង។

ដូចម្តេចដែលហៅថាក្រពេញអង់ដូគ្រីន? រៀបរាប់ឈ្មោះក្រពេញនោះឱ្យបាន ៤ ប្រភេទ។
#ក្រពេញអង់ដូគ្រីន គឺជាក្រពេញបញ្ចេញក្នុង ដែលគ្មានបំពង់នាំហើយវាបញ្ចេញអរម៉ូន ឬផលិតផលរបស់វាទៅក្នុងចរន្តឈមាដោយផ្ទាល់។
☆ រៀបរាប់ឈ្មោះក្រពេញអង់ដូគ្រីនឱ្យបាន ៤ ប្រភេទ៖
• ក្រពេញអ៊ីប៉ូភីស
• ក្រពេញទីរ៉ូអ៊ីត
• ក្រពេញលើតម្រង់នោម
• ក្រពេញអ៊ីប៉ូតាឡាមុស